秦裕伯

秦裕伯（1295年—1373年），字惟镜、一字景容，号葵斋、蓉卿，元末淮扬府（今江苏扬州）人，后首来迁到上海，宋代诗人秦观八世孙。后来畀人奉为上海城隍神。

介绍

元朝大德年间，迁居上海县长寿里。爷良颢是国子监学录咾，裕伯就进仔国子监，以诗文出名。

至正四年（1344年），考中进士，除湖广行省照磨，做过山东高密县尹、福建行省郎中。伊歇辰光天下兵乱，裕伯弃官逃难，蹲勒扬州，后首来回到上海。娘唐氏过世，伊就为娘守孝，弗出家门。群雄张士诚、朱元璋招揽伊，伊也弗去。

洪武元年（1367年）明太祖朱元璋强行招伊，秦裕伯就去做仔侍读学士，做过翰林待制、治书侍御史，有一趟搭刘伯温一淘担任京师主考。

七十多岁个辰光，向朱元璋辞官，回到上海蹲勒许。洪武六年（1373年）生毛病过世。照《上海通志》个讲法，秦裕伯垃拉1373年封为上海城隍。