石湖荡站
石湖荡站勒垃中国上海市松江区石湖荡镇，是沪昆铁路丄座火车站，有得6条股道，是上海局集团南翔直属站管个货运站，弗办理客运业务[1]。
历史
[编辑]早期历史
[编辑]1909年（清宣统元年）四月，石湖荡站造好启用[2]，因为伊勒垃湖荡村个石湖庙南面约莫100米个地方，故咾叫石湖荡车站[3]。车站伊辰光有得1条正线、1条到发线。1949年，增加1股到发线。1985年7月份，勒垃老底子运转室东面造仔座200平方米个新运转室[1]。
复线化
[编辑]1991年11月28号，沪杭铁路双线开通，石湖荡站正线、到发线各有2股；新站屋也造好开始用哉，老底子个站屋、线路、设备侪荒废脱。车站原先有少量客运列车，1995年7月1号，沪杭线丄个451/452次普客停运，石湖荡站正式停办客运业务[4][1]。
车站上行方向是斜塘江，沪杭铁路有34号铁路桥（当地人称为大洋桥）跨越斜塘江。日本侵华辰光炸脱，日本人还勒垃桥边壗造仔几座军事碉堡。沪杭铁路复线化个辰光，上海铁路局勒垃下游新造复线特大桥。2002年，老个34号铁路桥拆脱哉[5]。东岸小昆山镇里向留下来个引桥勒垃2013年认定成松江区文物保护单位，叫伊“斜塘沪杭铁路戊申年引桥遗址”[6]。
为咾整治水运杭申线（上海段）航道大蒸港/圆泄泾区间，让伊符合Ⅲ级航道通航标准，2010年，勒垃车站下行老底子座园泄泾大桥上游160米个地方重新造了座园泄泾特大桥[7]。2015年底，沪昆铁路圆泄泾特大桥新桥造好，老桥么勒垃2016年9月份拆脱哉[8]。
车站搬迁搭仔货场建设
[编辑]| 外头个图片链接 | |
|---|---|
 新石湖荡站效果图（存档备份） |
因为沪昆铁路松江段改线，车站勒垃2024年12月13号望南搬到现在，老底子松江北站个货场也搬得来[10]。沪昆铁路松江改线从石湖荡站出发，勒垃斜塘航道丄造沪苏湖跨斜塘特大桥，是四线铁路并行斜拉桥[11]。新石湖荡货场勒垃沪苏湖铁路、沪昆铁路改线工程个辰光还是伊个铺轨基地[12]。
新石湖荡站有得6条到发线，站场北面有座铁路货场，4条装卸线[13]，造好仔么估计年货运量有得200万吨。根据效果图，新石湖荡站货场还有赛过北京大兴机场隻屋顶[14]。当地政府计划拿铁路货场做基础，勒垃伊一圈造松江国际多式联运智慧物流枢纽[15]。
参考资料
[编辑]
- ↑ 1.0 1.1 1.2 上海市松江区地方史志编纂委员会编（2007-05）．松江县续志 ．北京：方志出版社．ISBN 7-80238-044-8．
- ↑ 上海市地方志. 原始文档勒2014-01-16存档. 访问日脚2025-11-19.
- ↑ "【云间漫谈】让人越想越美的石湖荡". 文汇网. 2022-02-22.
- ↑ 松江县地方史志编纂委员会（1997）．松江年鉴1996-1997 ．上海社会科学院出版社．ISBN 7-80618-435-X．
- ↑ "沪松江石湖荡现百年铁路桥遗址 或与史量才有关". 新闻晚报 (中新网). 2020-12-15.
- ↑ "侵华日军罪证 松江甪钓湾、斜塘桥碉堡遗址". 方志上海 (澎湃新闻). 2022-12-10.
- ↑ "沪昆线园泄泾铁路桥改建". 东方网-文汇报 (新浪网). 2010-10-23.
- ↑ "【海上记忆·找到你】70年前为铁路剪彩的“工友之子”，你在哪里". 上观新闻. 2019-10-08.
- ↑ "1908年建的火车站复原 上海打造浦江之首新地标". 中国新闻网. 2020-10-17. Retrieved 2020-11-12.
- ↑ 张晓鸣 (2024-12-13). "沪昆铁路松江段外迁线路完成全部拨接". 文汇网. Retrieved 2024-12-13.
- ↑ "斜塘江上的桥". 松江报. 2024-05-24.
- ↑ "沪苏湖铁路工地热火朝天，项目建设快马扬鞭". 上观新闻. 2023-10-28.
- ↑ "新建上海经苏州至湖州铁路环境影响报告书（征求意见稿）". 江苏环保公众网. 2019-07-22. Retrieved 2021-12-11.
- ↑ 出站即中心，上海又一重磅枢纽来了. 上海松江 (2023-12-14).
- ↑ "推进松江国际多式联运智慧物流枢纽建设". 上海市松江区人民政府. 2024-01-03.