百合桥
百合桥，老底子叫M50人行桥，是中国上海市普陀区、静安区个座过苏州河个人行桥。
百合桥勒垃天安千树、M50创意园东北面，铁路上海站西南面，地块畀河浜、铁路线、马路切得唻是叭叭碎，多年来开发勿起来。通过箇座桥，带动附近个城市更新，改善慢行交通条件，“盘活死角”[1]。2018年，M50人行桥已经勒垃普陀区规划个“苏河八景”里向哉[2]。2021年8月份，M50人行桥项目建议书获得批准[3]。2022年11月份，工程设计方案公示，设计有所改动，桥名改成“百合桥”[4]。
百合桥用个是悬索桥设计，长245.75米，主跨83.95米一跨过河。普陀伊面（西南岸）有两条引桥，“人”字形个，另外有两座旋转楼梯；静安伊面（东北岸）是盘起来个引桥，有无障碍电梯。普陀伊面同步造仔亲水平台、绿化咾啥个，静安伊面老底子设计有观景用个遮阳棚，後首来取消。2025年9月份造好，计划勒垃周边搞眼婚庆文化活动，带动“甜蜜经济”[5][6][7]。
参见
[编辑]参考资料
[编辑]- ↑ 赵忞 (2024-10-05). "沿苏州河骑行：普陀区如何“绿”活滨河公共空间？". 澎湃新闻.
- ↑ 栾吟之 (2018-12-05). "苏州河畔规划“苏河八景”，未来将有电竞城、M50空中走廊和10座新桥梁". 上观新闻.
- ↑ 分别设置亲水平台和观景棚！苏州河上这座人行桥值得期待. 上海住房城乡建设管理 (2021-08-19).
- ↑ 关于苏州河百合桥（原M50人行桥）新建工程建设工程设计方案的公示. 上海市规划和自然资源局 (2022-11-16).
- ↑ 陈斯斯; 钱佳莹 (2025-08-18). "上海百合桥9月开放，周边将打造“甜蜜经济”集聚地". 澎湃新闻.
- ↑ 裘颖琼 (2025-08-16). "苏州河上首座悬索人行桥建成，从“隔河相望”到“两岸共生”". 上观新闻.
- ↑ 周楠; 钱佳莹 (2025-08-17). "连接起普陀与静安！苏州河首座悬索人行桥9月开放". 上观新闻.