白俄罗斯
| Рэспубліка Беларусь 白俄罗斯共和国 | |||||
| |||||
| 自然地理 （实际管辖区） | |||||
| |||||
| 首都 | 明斯克 | ||||
面积
| |||||
| 时区 | UTC +2至+12 | ||||
| 人民生活 | |||||
| 官方语言 | 白俄罗斯语 | ||||
人口
| |||||
| 政治文化 | |||||
| 政治体制 | 总统制 | ||||
| 国家领导人： | |||||
| 主要节日 | 圣诞节 | ||||
| 经济实力 | |||||
| 货币单位 | 卢布 | ||||
| GDP | 489.73亿美元（列第67位） | ||||
| 人均GDP | 12737 美元（列第55位） | ||||
| 中央银行 | 白俄罗斯中央银行 | ||||
| 国家资料 | |||||
| 国家象征 | |||||
白俄罗斯是来勒欧洲东面个一个国家，老早是苏联个一个成员国，1991年独立。乃朝是欧洲少数执行国有经济个国家，发展水平适中，虽然因为民主问题遭到西方国家个制裁，弗过国内发展基本平稳。
历史
[编辑]立陶宛人殖民之前
[编辑]搭其他东斯拉夫人一样，白俄罗斯地区个历史传承发源于公元9世纪到11世纪个基辅罗斯辰光，此地个斯拉夫人，属于由基辅发端个基辅罗斯大公国个一部分，到11世纪末，此地开始走向自主发展个道路。12世纪，君主制公国来勒此地建立。到13世纪，境内个大部分地区遭到蒙古人个烧杀，损失交关严重。来勒蒙古拔都西征之后，此地搭罗刹人个大部分地区一道，成为金帐汗国个殖民地。文化发展缓慢，弗过地区个西部开始逐步受到已经接受天主教个波兰搭立陶宛个影响。
立陶宛人个殖民
[编辑]
立陶宛大公国拉拉14世纪开始崛起，到13世纪，白俄罗斯地区逐步被立陶宛人占领，成为立陶宛控制下头个向东殖民地，由于迭个辰光斯拉夫人还邪气弱小，东面个斯拉夫人弗可能帮助伊拉个白俄罗斯亲戚，蒙古人个威胁又邪气大，所以投靠信仰天主教个立陶宛人，也成为一个现实个选择。从迭个辰光开始，白俄罗斯成为立陶宛大公国个一部分，文化受到立陶宛个影响，走上搭俄罗斯弗大一样个道路哉。
莫斯科公国个统治
[编辑]15世纪开始，莫斯科公国来勒立陶宛个东面崛起，立陶宛搭波兰合并之后，白俄罗斯成为波兰人控制下搭俄罗斯人战争个第一线，经历交关拉锯，一直到17世纪后，伴随俄罗斯个崛起，白罗斯个东面逐步落入俄罗斯个手里。当地个东正教重新成为主流。弗过白俄罗斯个西面到18世纪还一直来勒波兰统治下，波兰人向东殖民，进入大城市，白俄罗斯人只好充当奴隶。来勒沙俄统治范围内，情况也差弗多，俄国人对白罗斯人个语言进行同化，让白俄罗斯人个民族意识丧失，弗过弗论是波兰还是俄罗斯，对白罗斯个战争拉锯侪弗是老残酷，又因为远离鞑靼人，让白罗斯总体高头个民族构成比较单一。
帝俄到苏联
[编辑]1795年瓜分波兰之后，俄罗斯彻底控制所有个白罗斯地区，按照俄国一贯使用个方法，对此地进行划分行省，任命省长进行农奴制统治。到19世纪初，拿破仑个大军从此地开入莫斯科。弗过维也纳会议之后，俄罗斯彻底控制波兰，白俄罗斯也成为俄国生产粮食个重要地区。20世纪初，白俄罗斯资本主义开始发展。1918年3月25日，来勒帝俄崩溃之后，此地个激进分子成立白俄罗斯人民共和国，弗过当地大部分地区侪来勒德国手里。到德意志帝国军队撤退之后，迭个共和政体很快被布尔什维克党颠覆。来勒1919年，白俄罗斯个国名被赤色分子改成白俄罗斯苏维埃社会主义共和国；到1922年，成为苏个一个加盟共和国。来勒苏联统治初期，根据民族政策，落实语言文化保护，白俄罗斯语得到复兴。
战后个计划经济搭建设热潮让白俄罗斯老快从二战个痛苦当中恢复，弗过本地文化也因为苏联政策个改变再次受到冲击。来 1986年，白俄罗斯的邻国乌克兰发生切尔诺贝利核电厂事故，因风向搭地形个原因，白俄罗斯东南部个戈梅利州搭莫吉廖夫州两个州侪受到严重个污染。
独立之后
[编辑]1991年苏联解体，同年8月25日宣布独立。来勒独立开始个辰光，白俄罗斯个西化派掌握政权，宣布白罗斯语复兴，更改国徽国旗等一系列举措。弗过白俄罗斯因为受到苏联经济危机冲击比较小，当地老百姓侪弗是老讨厌老早计划经济一套物事，所以到1995年，老早个官僚阶级全面复辟，重新拿苏联辰光个白俄罗斯苏维埃国旗国徽稍微更改一点，再次挂上墙头。从此之后，白俄罗斯回到苏联个老路高头。弗过因为国内民族构成单一，工农体系合理，呒老严重个民族意识，白俄罗斯个经济搭生活水平来勒九十年代末开始逐渐回升，到2004年，超过苏联辰光个最高水平，之后持续增长，搭俄罗斯个增长弗同，白俄罗斯个贫富差距比较小，所以老百姓侪感到安详快乐。
地理
[编辑]
白俄罗斯来勒东欧平原个中心位置，整个境内大部分地区侪是平坦个地表。国家个面积有20.76万平凡公里，大概相当于传统意义高头江南个大小。整个国土呒出海口，弗过国境之内湖泊老多，有1.1万多个，所以又被称为“万湖之国”。白俄罗斯个气候温和，因为来勒内陆，所以大部分地区属于大陆性气候，弗过西面因为挨牢立陶宛，靠近波罗的海，所以是海洋性气候。总体看来，白罗斯个气候特征较湿润，年降水量为550毫米～700毫米。1月平均气温-6℃，7月平均气温18℃。
政治
[编辑]
白俄罗斯是一个总统制个共和国，政府具体是通过总统搭国会组成。根据1994年个宪法当中内容，白俄罗斯每五年举行一趟总统竞选，1996年，总统个任期从五年改成七年，国会个下议院有110位成员，上议院则有64位成员。自从1994年开始，卢卡申科就一直担任白俄罗斯总统个职务。卢卡申科个统治下，白俄罗斯个议会制度成为一种摆设，实际高头大部分决策侪是通过伊自家做出之后，让议会通过批准个。虽然白俄罗斯一般个群众对卢卡申科个长辰光统治并呒多少大个抱怨，弗过因为卢卡申科亲近俄罗斯，让西方国家弗满意，所以一直对白罗斯个稳定搞破坏。另外，卢卡申科坚持个苏联体质模式，让交关自我认同为白俄罗斯人个民族主义者相当弗开心。伊拉高举老早立陶宛辰光个国徽搭国旗，来勒好几趟选举个辰光制造争端，弗过，卢卡申科对国内形势个把握还是老有力度个，反对派现在没多少大哥机会。