申花联城合并
申花联城合并，是2007年2月份中国足球超级联赛开赛前发生个事体。上海申花足球俱乐部帮上海联城足球俱乐部两家中超俱乐部，通过收购，合并成上海申花一家球队，上海联城俱乐部直接撤销。
概况
[编辑]2007年初，足坛出现上海联城拥有人著名商业家朱骏准备收购上海申花个消息。後些来，两家俱乐部发出合并公示，联城正式向中超联赛委员会提出退出参加2007赛季比赛个申请，到2月10号，中国足协、中超联赛委员会侪没收到反对意见，故咾正式批准两支球队合并。
影响
[编辑]因为两支俱乐部原先侪是中超球队，阵容侪相对完整，合并导致人潽出来哉，外头人嘲伊是“魔兽”，弗少原先踢得上球个球员直接呒没位置哉，外加因为已经错过中国足球转会窗，大多数人侪弗畀允许转会，导致交关原本一线队个球员畀球队厾回预备队。赛季中期，申花还拿一部分球员租畀新加坡联赛个辽宁广原。2008年季前转会，申花一口气挂牌47名球员，阿末有十几個寻着租借或者转会目标。
俱乐部合并以后，朱骏选择拿原先个上海联城个参赛资格直接注销脱，而弗是转让畀开价1200万个重庆力帆，是中国足坛极少看到个直接解散顶级俱乐部个事体。[1]
参见
[编辑]参考
[编辑]- ↑ "力帆1200万求购联城 朱骏“自杀”式注销俱乐部". 搜狐体育. 2007-02-12. Retrieved 2009-01-06.