田螺山遗址

吴语维基百科,自由个百科全书
跳到导航 跳到搜索

田螺山遗址是属于河姆渡文化个一处古遗址,勒拉浙江省余姚市三七市镇相岙村,发现于2001年。经考古证实,遗址年代约为距今7000年-5500年。由于其地面环境、地下遗存保存较为完好,畀称为“第二河姆渡”[1]

发掘过程[编辑]

田螺山遗址发现勒2001年。伊歇,一家热处理厂在打井辰光发现陶片、动物骨骼搭木头。随后,文物部门对当地进行了发掘,认为遗址年代弗晏於河姆渡文化第二期,且形式搭河姆渡文化类似。2004年2月至6月个大规模发掘证实,该文化遗存出土器物搭河姆渡遗址几乎相同,且出现成片干栏式建筑遗迹搭较为完整个村落布局[2]。遗址总面积达到30000平方米,有得6个文化层,年代约为7000年-5500年。田螺山遗址现场馆副馆长黄建华表示,田螺山遗址个地面环境在河姆渡文化众多遗址當中保存頂完好[1]

特色[编辑]

田螺山遗址发现了其他遗址弗具有个人脸形陶支脚、形似大象头部个陶塑咾啥陶器,箇在河姆渡遗址中朆见歇[1]。出土个器物裏向,双耳深腹夹炭陶罐残存部分有近70厘米高,箇在浙江范围裏向是首趟发现。遗址裏向发现大量鹿角、鱼骨、象牙咾啥个动物骸骨搭木材、菱角、酸枣等植物遗存,箇反映了伊歇箇地区个自然状况。[3]特别是遗址裏向发掘出个人为种植古茶树树根搭壶形陶器证明,当时老有可能已经人工种植茶树并饮茶[4]。遗址裏向干栏式建筑范围搭大小证明,当时个先民已经能够挖掘较深个土坑,且能够应用重力与承重力关系个经验进行建筑[3]。跟据田螺山发掘个大量稻谷证明,随仔辰光推移,驯化稻个比例上升,且发现个稻谷并非原始栽培稻。箇证明了长江流域稻谷种植历史比预想个要长。迭個成果于2009年畀美国《科学》杂志收录[5]

保护搭展示[编辑]

2007年,遗址发掘现场建起田螺山遗址现场馆,擔遗迹发掘成果与发掘现场进行展示,使参观者能够亲历考古发掘现场[1]

图片[编辑]

参考资料[编辑]

参见[编辑]