田盛街

田盛街，是吴越浙江省湖州市吴兴区个一条街路。

田盛街有拉湖州城东个龙泉街道，东起潘公桥桥堍，西到北门水闸殳家湾，拉龙溪港个北面搭河港平行。

历史

箇块地方老底子是北郊殳家湾村。 清朝宣统元年（1909年），湖州商人王笙甫、官僚吴匡等合伙投资10万两规银，拉许丄筹建公益缫丝厂（湖州丝厂个前身），厂房占地7亩多，有几十间屋，买嘚200部意大利坐缫车，1910年造好开工，箇辰光有400個工人，每年产丝幾百担，是湖州頭一爿用机器生产个近代工业企业。民国八年（1919年）吴兴城厢电灯股份有限公司添招股本7万圓，拉北门殳家湾買地新建第二发电所，後末來许丄创办嘚天昌漂炼股份有限公司、正大面粉公司咾啥，跟牢企业个发展向东边面慢慢较形成嘚街路，取名“田盛街”。