田垓村

田垓村
—  行政村  —
省	浙江
市	湖州
縣	安吉
鄉	上墅

田垓村，也寫成田𱖇村，是吳越浙江省安吉縣上墅鄉个一隻行政村。

歷史

宋朝元朝介節歸安吉縣浮玉鄉，明朝弘治兩年（1489年）之後歸孝豐縣東南區浮玉鄉，清朝手裏歸孝豐縣東鄉浮玉鄉闢圖，光緒《孝豐縣志》裏向有田垓莊則湯垓莊。1949年歸南嶼鄉，當年秋天公撤鄉建區，歸孝豐縣青山區，1950年叫田垓村，歸上墅鄉，1955年歸施善鄉。1956年建立田垓高級社，1958年10月份叫田垓生產隊，歸青山公社劉家塘管理區。1961年9月份，叫田垓大隊，歸安吉縣上市公社。1984年1月份叫田垓村，歸安吉縣上墅鄉。

基本情況

東面則天荒坪鎮搭界，西面則孝豐鎮搭界，南面則上墅村搭界，東北面則劉家塘村搭界。自然村有：汤垓、白毛塢、過路口、沙灘里、三里亭、田垓、黑風山、泗溪塢、麻廠里、施界山、黃紙碓、桃園里、下前山、郎裏頭、大灣里、上前山、黃栗塢。

太平天國手裏，村民死个死，逃个逃，箇卯村民大部分是紹興、台州則溫州人後代，姓主要有王咾、馬咾、李咾介。根據2023年出版个《浙江省标准地名录》，田垓村面積7平方公里，有1950個人。

1959年，村裏向開始造黃栗塢水庫，1967年修好，容量13.5萬立方米，好澆750畝田。

2023年村集體經營性收入121.44萬塊洋錢。