环渚街道

环渚街道
—  街道  —
省	浙江省
市	湖州市
区	吴兴区

环渚街道，是吴越浙江省湖州市吴兴区个一隻街道。

历史

宋、元手裏，歸乌程县灵寿乡。明朝手裏歸乌程县六区廿都、七区廿三都。清朝手裏歸乌程县六区六十九庄，七区七十六庄、八十庄、八十八庄。民国初年，分別歸张维乡、大钱镇。民国十八年（1929年）實施村里制，歸吴兴县第一区；民国廿四年（1935年），境内建有潮音乡、环渚乡；民国三十六年（1947年）潮音乡一部分併進环渚乡。1949年5月份建政，原得叫环渚乡。1956年，龙山乡併進环渚乡。1958年10月份，搭白雀、塘甸三個乡合建白雀公社。1961年调整公社规模，分设环渚公社。1984年2月份，公社改成环渚乡。2001 年，塘甸乡撤脫，併進环渚乡。2009年8月份，新桥村劃畀滨湖街道。2012年12月份，撤乡建立环渚街道，树庄、双丰、中东、 常溪、欣安、龙溪、大钱介七隻村坊劃畀八里店镇，荣丰、塘甸水产、塘甸介三隻村坊劃畀滨湖街道。

经过2012年个行政区划调整，2019年南太湖新区成立之后个土地流转，2020年个四隻行政村撤村并居之后，辖区占地面积从本来个21平方公里减到5.2平方公里，常住人口1.9万個人，辖区裏向有两所高校，下底有5隻行政村，9隻社区搭4隻股份经济合作社。

行政區劃

环渚街道成立个辰光有4隻社区搭9隻行政村：玉堂桥社区、金龙家苑社区、北白鱼潭社区、香樟湾社区、金锁村、万安村、邵家墩村、瑶台村、大东村、华丰村、朱洪村、后庄村、水产村。

介歇个社区搭行政村有：香樟湾社区、玉堂桥社区、金龙家苑社区、北白鱼潭社区、邵家墩社区、博学府社区、万安社区、紫玉花苑社区、金锁社区、後莊村、邵家墩村、万安村、金锁村、瑶台村

文化

环渚个老桥有：忠兴桥、永兴桥、安乐桥、金锁桥、万安桥、毓秀桥咾啥个。