王迅（物理学家）
有关叫“王迅”个其他人，请参看“王迅”。王迅（1934年4月23号—2025年12月5号），男，籍貫江苏无锡，生勒上海，中国表面物理、半导体物理学家，中国科学院院士。计算机科学家王选垃阿哥。
伊1940年到1952年勒垃上海南洋模范中小学读书，後首来考进复旦大学物理系。1956年毕业仔么，考到复旦大学物理系副博士研究生物理学家谢希德名下。1960年研究生毕业仔么，留勒学堂做助教，开始做半导体微波性质、顺磁共振咾啥领域个研究，做到过半导体物理教研室副主任、微电子教研室副主任。1977年开始研究表面物理，做到过表面物理研究室副主任、主任。1992年开始是复旦大学应用表面物理国家重点实验室主任。1996年成为复旦大学首席教授。1999年当选中国科学院数学物理学部院士。