王文貴

王文贵

王文貴（？—？），吳越嵊縣人，中華民國官員。

生平

王文貴是嵊縣人。民國廿年（1931年）6月份當浙江省長興縣縣長，民國廿七年（1938年）12月份離職，是民國手裏長興縣做了頂長个縣長。

1932年到1934年，拉長興小東門外造了隻軍用機場，面積六十四萬平方米，1937年淞滬會戰，中華民國空軍從箇丄起飛轟炸拉上海吳淞口个日本佬兵艦；1932年成立長興土地清丈處，搭全縣个土地資源弄清爽唻；1934年剿匪，搭浙北名匪鄭戇大拉老婆蔡金花抲起來坐牢監，1937年之後蔡金花參加抗日游擊；七七事變爆發之後，日本佬飛機空襲長興，王文貴拉城區防空、抗戰宣傳等方面做仔弗少工作；1937年11月底，日本佬轟炸長興，國民黨敗軍過境，社會混亂，王文貴主持政務，維持局面。

長興畀日本佬佔領前一日，王文貴搭牢監裏向个漢奸搭重刑犯四十多個人槍斃脫，另外刮犯人侪放脫。1937年11月25號，長興縣淪陷。1938年8月份，拉長潮岕恢復縣政府政權組織，過了段辰光，搬到管埭十房村，召開全縣鄉鎮長會議，重整保甲，恢復基層組織，成立動員委員會，建立遞步哨，開通全縣郵路、電訊，以“長興青年抗敵後援會”作爲基礎建立縣政工作，籌備成立縣抗日自衛隊，拉泗安出刊《抗建日報》，縣政權機構重新開始運轉。