牛来
《牛来》是信雨萌导演、孙丽芳编剧个中国动画电影，2026年8月5号勒垃中国大陆上映，讲个是隻叫“牛来”个小牛勒垃环境磨练底下成长个故事。[1]电影上映前只有得一张水墨画风格海报，呒得其他宣发[2]；电影实际浪是粗糙个三维动画，同海报推板交关。电影上映一开始只有七千多人民币个票房，[3]必过後首来勒垃网络浪一记头行起来，票房超过千万。[4][5]
制作
[编辑]《牛来》是信雨萌搭仔伊娘孙丽芳二家头从导演到编剧、配音一手包办。按照红星新闻里向报道个导演亲友爆出来个内容，电影是二家头花仔五年辰光全手工做个，呒啥投资，片尾曲也是孙丽芳自家唱个。[6][7]电影个出品方是信雨萌实际持有个大连璟园文化影视传媒有限公司，前身是2016年3月份成立个大连璟园装饰工程有限公司，2021年7月份改名仔么开始做电影。[8]
发行
[编辑]电影是导演信雨萌寻熟人朋友相帮个，天津山崎影业有限公司发行个。勒垃接受荔枝新闻（江苏电视台）个采访个辰光，电影个发行方表示勒垃看到电影成片个辰光劝过信雨萌，想让伊放弃上映，必过信雨萌坚持，故咾申请公映许可搭仔上映。[2]电影上映前只有得一张水墨画风格海报，呒得其他宣发。
反响
[编辑]电影上映一开始票房一塌糊涂，头一日天上映245场次，第二天直接减到25场次，到8月14号上映10天个辰光一天全国仅有得4场次，箇辰光累计票房7705元人民币，一天最高观影人数弗超过20人。观众普遍批评电影画面粗糙、剧情瞎七搭八，品质比AI做个还推板；必过网友反而畀迭种电影吊起来，交关人拥到影评网站浪打五星好评[3]，电影院也开始临时加场[9]，票房没两天突破一千万人民币。[4][5]老百姓开始观赏电影“见证历史”。[10]
参考资料
[编辑]- ↑ "《牛來》︱國產動畫慘不忍睹CG成熱話 ¥8000票房反狂升至¥10萬" (in zh-Hant). 2026-08-15.
- 1 2 "动画电影《牛来》反向出圈 网友调侃“老抽象依然坚持手搓” 发行方回应票房疯涨". 2026-08-15.
- 1 2 邵梓恒 (2026-08-14). "2026年最“炸裂”电影诞生：国产动画《牛来》上映10天票房仅7705元".
- 1 2 孔小平 (2026-08-15). "影院反向加场，《牛来》总票房已怒破10万".
- 1 2 "《牛来》票房破1000万！邻居称导演不善言辞；其他导演已破防". 2026-08-17.
- ↑ 朱必胜 (2026-08-15). "《牛来》“粗糙到极致”反向出圈，主创亲友：“60后”妈妈为孩子圆梦，是普通家庭没投资，纯手搓耗时5年". 红星新闻.
- ↑ 朱必胜 (2026-08-15). "知情人透露《牛来》创作过程：主创是导演和他妈妈，纯手搓、耗时5年". 红星新闻.
- ↑ 魏顺顺 (2026-08-14). "电影《牛来》上映9天票房未过万 出品方前身是装修公司". 大皖新闻.
- ↑ 《牛来》临时加场居然很快满座！影院工作人员感叹：票真的是一张一张卖出去的 (zh-CN). 京报网 (2026-08-16).
- ↑ 滕朝 (2026-08-15). "《牛来》靠“抽象”出圈：有观众驱车30公里只为见证“历史”".