银城中路

银城中路是中華人民共和國上海市浦東新區一條南北走向个路，北起浦东南路，南到东昌路，原先是爛泥渡路个一部分。

历史

爛泥渡路老底子叫赖义渡路，1914年就出現哉，伊個辰光是去黃浦江赖义渡义渡摆渡口个路。因为“赖义”帮“烂泥”勒垃上海闲话里向发音一式一样，故咾写成爛泥渡路。20世纪初，赖义渡路成為一條商業街，1928年3月份，浦东商业储蓄银行勒垃箇面设置赖义渡分行。抗日战争箇辰光，日本人拿赖义渡路一把火烧脱，赖义渡路商业故咾弗灵光哉。後些来，烂泥渡附近搬过来弗少工厂，慢慢交变成棚户区哉。

浦东开发开发以後，烂泥渡路附近变成陸家嘴金融貿易區。21世纪初，因为烂泥渡路箇名字让人们觉着是住勒烂泥地里向，故咾拿烂泥渡路北段改叫银城中路，南段改叫浦明路。乃朝银城中路附近有得陆家嘴中心绿地、金茂大厦、上海环球金融中心、上海中心咾啥个建筑。