熊淑兰
| 熊淑兰 | |
|---|---|
| 原文名 | 熊淑兰 |
| 性别 | 女 |
| 出生 |
1931年9月14号 南京 |
| 逝世 |
2025年9月27号（94岁） 南京 |
| 国籍 |
 中华人民共和国 |
| 知名原因 | 南京大屠杀幸存者 |
| 家族成员 | 详见下文 |
生平
[编辑]熊淑兰1931年9月14号出世个[1]。1937年，伊搭伊爷娘、姊妹[1]一家人住勒南京市第十二区（上新河区）棉花堤80号[2]。当年12月份，日军侵占南京，伊拉一家门拎仔被头、镬子咾啥个生活用品连夜逃出南京城[1]，摇小舢板到棉花堤对岸个江心洲[2]，借住勒户人家里向[1]。伊屋里向房子畀日本军人烧脱[1]。
逃出南京个辰光，熊淑兰屋里人畀伊剃光头[2]、穿男小倌衣裳[3]，装男个。伊勒垃江东门附近觑到过“堆得高得不得了”个尸体[4]，也看到过日军勒垃街丄向随便捉人杀人[2]、拿哭个小囡杀脱厾勒河浜里向[5]。伊勒垃江心洲个辰光，帮其他小囡一淘负责每天爬到江边个树丄向，观察啊有日军要到岛上向扫荡，通知村民啊要畔起来[1][3]。
熊淑兰個爷划小船送货[1]，娘怀孕个辰光畔日军扫荡弗当心掼唻流产，伤脱拉，42岁就走脱哉[1][2]。伊爷一家头呒办法同时抚养两個囡儿，拿伊姊妹送出去[1]。1949年，伊勒垃伊爷安排底下同人结婚[1]。
20世纪80年代，熊淑兰加入中国共产党[6]。退休前，伊勒垃居委会做生活[5]，积极参与社区党支部活动[6]。1985年，侵华日军南京大屠杀遇难同胞纪念馆造好仔么，伊也积极参与到纪念馆个宣传活动当中去[4]。2001年，伊70岁，正式退休[5]，搬回南京市区[1]。2025年9月27号，伊故脱，享年94岁[6]，是倒数第26個故脱个南京市侵华日军受害者援助与南京大屠杀历史记忆传承协会登记在册大屠杀幸存者。
家庭
[编辑]1937年，熊淑兰家庭成员共5人[2]，有爷娘、一位姊妹搭仔大伯[4]、大伯母[2]。屋里向大伯勒垃长江边做生活[3]，一家头守勒屋里向畀日本人杀脱，都臭脱纔畀回转来个屋里人埋下去[2]。大伯母因为小脚行动弗便当，畀日本人捉得去轮奸[1][2]。
伊老公是老实本分个穷苦人，养仔四個儿子一個囡儿。[4]
参考来源
[编辑]- 1 2 3 4 5 6 7 8 9 10 11 12 李晓方著（2017）．130位南京大屠杀幸存者实录 ．杭州：浙江人民出版社，138-139．ISBN 978-7-213-08398-3．
- 1 2 3 4 5 6 7 8 9 chinanews. 熊淑兰：对过去要化悲痛为力量 希望子孙都幸福下去-中新网 (zh-CN). www.chinanews.com.cn.
- 1 2 3 张建军编；张爱军总主编（2021）．“南京大屠杀幸存者熊淑兰：希望子孙都能幸福生活下去（中新社）”，国家公祭 解读南京大屠杀死难者国家公祭日资料集 8 ．南京：南京出版传媒集团（南京出版社），138．ISBN 978-7-5533-3491-2．
- 1 2 3 4 南京大屠杀幸存者熊淑兰离世，世间再听不到她唱快板声 侵华日军南京大屠杀遇难同胞纪念馆 (zh-hans). www.19371213.com.cn.
- 1 2 3 新京报记者 李阳 徐茂祝 编辑 张鑫润 (2020-12-12). 南京大屠杀幸存者熊淑兰：日军用刺刀戳死啼哭的小孩 我们吓死了. 新京报.
- 1 2 3 南京大屠杀幸存者熊淑兰离世 在世幸存者仅剩25人-新华网. www.news.cn.