潘鳳起
潘鳳起（？—二十世紀五十年代），字廉深，吳越浙江歸安（今浙江省湖州市）人，清末副榜、日本留學生。
生平
[编辑]潘鳳起是湖州府歸安縣人（辛亥革命之後烏程縣搭歸安縣合併成吳興縣，今朝屬於浙江省湖州市），[1]屋裏向蹲勒小市巷五號。[2][3]
潘是清末副榜，學理化，到日本早稻田大學留學畢業。[1][4]回國之後，到杭州陸軍小學，辛亥革命之後到湖州當浙江省立第三中學校長。[1][4][5]1923年到1926年，當吳興縣教育局局長。[1][4][5]後末來到南京國民政府考試院當祕書，[6][7]因爲搭戴季陶合弗來（有人講是搭戴季陶夫人鈕有恆有矛盾[1]），就辭職回轉嘚。[4]
日本人造反个辰光，潘鳳起參加地方丄个日僞組織，[1]後末來貤畀孙棣三邀请，到省裏向當僞民政廳祕書。[8]日本投降之後，因爲同鄉陳勤士搭雷震等人保護咾，弗寧畀人清算。[2]
中華人民共和國成立之後，潘先畀人抲起來，放脫之後一開始拉上海囡兒拉头修養，後末來到北京兒子拉修養，無得幾許辰光就生毛病無得脫嘚。[1][4][5]
參考資料
[编辑]- ↑ 1.0 1.1 1.2 1.3 1.4 1.5 1.6 （简体中文）邱寿铭（2015年11月）．“湖州早期留日学生”，杨伟民 编：湖州民国史料类纂与研究 个人遗作-邱寿铭专辑 ．沈阳：沈阳出版社．ISBN 978-7-5441-7137-3．
- ↑ 2.0 2.1 （简体中文）沈石铭，民革浙江省委会孙中山研究会，民革浙江省湖州市委员会（2001年11月）．孙中山与湖州人 ．北京：团结出版社．ISBN 7-80130-369-5．
- ↑ （简体中文）邱柏林（2020年06月）．闾里记 ．杭州：浙江古籍出版社．ISBN 978-7-5540-1746-3．
- ↑ 4.0 4.1 4.2 4.3 4.4 （简体中文）杨莘耜（1980年05月）．“六十年间师友的回忆”，北京鲁迅博物馆鲁迅研究室 编：鲁迅研究资料 5 ．天津：天津人民出版社．
- ↑ 5.0 5.1 5.2 （简体中文）凌以安（1987年08月）．“湖州教育史稿”，中国人民政治协商会议浙江省湖州市委员会文史资料研究委员会 编：湖州文史 第5辑 教育医卫史料专辑 ．
- ↑ （繁体中文）（1931）樊蔭南 编：當代中國名人錄 ．上海良友圖書印刷公司，399．
- ↑ （繁体中文）（1937）楊家駱 编：民國名人圖鑑 ．上海：辭典館，399．
- ↑ （简体中文）邱寿铭（2015）．“记孙棣三二三事”，杨伟民 编：个人遗作·邱寿铭专辑（湖州民国史料类纂与研究 ） ．沈阳：沈阳出版社．ISBN 978-7-5441-7137-3．
