潘家莊村（湖州）

潘家莊村
—  行政村  —
省	浙江
市	湖州
區	南潯
街道	舊館

潘家莊村，是吳越浙江省湖州市南潯區舊館街道个一隻行政村。

歷史

潘家莊村有拉湖州市南潯區舊館街道，歷史丄因潘姓村民定居得名。

宋、元手裏歸烏程縣常樂鄉至德里。明成化八年（1472年）歸烏程縣第十區三十都。清朝實行順莊法之後歸十區104莊。民國手裏，抗戰之前屬於吳興縣舊館鄉，抗戰之後屬於新羅鄉。

1949年5月歸新羅鄉，第二年5月份歸新興鄉。1956年4月份歸塘南鄉，叫大利高級社。1958年10月份歸雙林人民公社，1961年5月份歸塘南人民公社，叫大利大隊。文化大革命个辰光叫紅專大隊，1978年改名潘家莊大隊。1984年2月份歸塘南鄉，改名潘家莊村。1993年11月份塘南鄉改名舊館鎮，潘家莊村歸舊館鎮。2003年1月11日，舊館鎮改歸南潯區管。2021年，撤銷舊館鎮，成立舊館街道，潘家莊歸舊館街道，同年，舊館街道辦事處搬到潘家莊村頔南路8號。

基本情況

1996年左右个辰光，潘家莊村有潘家莊、漁船壩、沈家㘰、朱家㘰、廟港、石橋頭、嚴家㘰搭閔家灣介八隻自然村，有13隻生產隊，324戶人家，1411個人（717個男个，694個女个），村民裏向姓潘个佔十股裏向三股。耕地1999畝，當中糧田1567畝，桑地432畝，還有魚塘17畝。