滩簧

来自维基百科
跳到导航 跳到搜索

滩簧是江浙一带清朝辰光流行个一种艺术形式。

历史搭仔影响[编辑]

据考证,滩簧本来是交关艺人自家拿好乐器围牢台子做好,各人表演各人个脚色弹自家个乐器。简单个讲,滩簧改写昆剧脚本搭仔用比较通俗个闲话搭仔方式演出。后首来有一批苏州个艺人改革滩簧,形成功苏州评弹。清朝末年有一个萧山人讨厌一帮人坐勒台子旁边唱,参考昆剧形式,改革滩簧,让各个脚色有得动作、有得舞蹈,搿就是越剧。滩簧辣海江南个影响老大,沪剧锡剧甬剧越剧评弹姚剧苏剧海门山歌等侪是从滩簧发展得来个,到现在常锡人还拿锡剧叫滩簧,上海人叫沪剧本地滩簧,叫甬剧宁波滩簧。 辣海上海、苏州一带,苏滩直接叫滩簧,不过可惜个,文化大革命里向苏滩失传了,现在只有辣海滑稽戏、苏剧里向还好听到一眼苏滩个音乐。