湖州市图书馆

湖州市图书馆是中國浙江省湖州市吳興區座圖書館。

历史

1908年，湖州人準備造海島图书馆，陆心源个后人搭仔其他人特谓捐仔万把本古书。1918年海島图书馆改名吴兴图书馆。

1930年，另外爿圖書館吳興縣民众教育馆图书部成立哉。1934年，图书部改制成吴兴县立图书馆。1936年8月份，吴兴图书馆合并到吴兴县立图书馆里向。

1937年冬天公，东洋人打进吴兴县，图书館坏脱。1946年8月份，圖書館重新造。1947年8月份，并到吳興縣民眾教育館里向。

1951年1月，人民政府勒垃菱湖镇吴兴县文化馆设立图书室。1956年1月份，吴兴县文化馆图书室从菱湖镇搬去湖州市。1956年5月份，吴兴县文化馆图书室改制成吴兴县图书馆，勒垃太平巷6号。

1951年4月份，湖州市文化馆图书室勒垃韵海楼建立。

1958年1月份，湖州市头一趟撤市仔么，湖州市文化馆图书室又畀吴兴县图书馆吃脱。文化大革命辰光，图书馆曾降級成吳興縣當地毛泽东思想宣传队个图书工作组。1977年10月28号，吴兴县图书馆恢复。

1981年1月份，吴兴县撤销，湖州市又成立哉，圖書館改名湖州市图书馆。一开始圖書館勒垃韵海楼。1993年4月份，圖書館搬去志成路48号。2006年5月1号，圖書館又搬去仁皇山街道。