湖州市第十一中学

南街上个校门

湖州市第十一中学（英语：Huzhou No.11 Middle School），简称湖州十一中，是吴越湖州市个一隻初级中学。学堂有拉湖州吴兴区南街丄。

历史沿革

1919年，湖州三一社会堂拉衣裳街丄创办教会学堂，是业余补习性质个，取名“三余学社”。1932年，正式定名“吴兴县私立三余初级商业学校”，附设商业夜校，拉衣裳街三一会堂里向。1941年12月份，改名“吴兴县私立三一初中学生补习学校”。1943年（也有讲法是1946年），搬到南街丄，拉省教育厅立案，承认学历。1946年，成立董事会，董事长是陈勤士，聘丁立勇当校长。1949年，校长丁立勇用募捐搭借款个方式拉状元坊买嘚四亩地，就是介歇南街校区个一部分，造嘚十多间平房当新校舍。

1953年，嘉兴地区专署文教处批准，改名“湖州市私立三余初级中学”。1956年春天公改成公立，校名“浙江省湖州第三初级中学”。第二年，改名“浙江省湖州第一初级中学”。1963年畀省教育厅指定为新教材试点学堂。1970年秋天公改成完全中学建制，改名“湖州市第一中学”。

2002年8月份初高中分离，初中部留拉原地成立湖州市第十一中学。

2006年，湖州十一中碧浪校区开始招生。2010年，改名湖州市第十一中学教育集团。2018年7月份，碧浪校区改成湖州市东风小学南华路校区。