清风村（绍兴）

清风村
—  行政村  —
省	浙江
市	绍兴
區	柯桥
街道	钱清

清风村，是吴越绍兴市柯桥区钱清街道个一隻行政村。

历史

宋朝嘉泰元年（1201年），堰头、腾蛟桥归萧山县凤仪乡忠义里，西沙头归凤仪乡新田里。清代到民国都是萧山县管个，1949年10月份划畀绍兴县。1958年，堰头、腾蛟桥归钱清人民公社清风管理区，西沙头归胜利管理区。1961年9月份，堰头、腾蛟桥归前梅公社，西沙头归南钱清公社。1965年12月份，西沙头划归前梅公社。1983年建置堰头、腾蛟桥則西沙头村。

1984年以后都归钱清镇。1999年8月份，接收小舜江水库库区移民21份人家，64個人。2003年6月份，行政村规模调整，原来个腾蛟桥、堰头則西沙头村合并成清风村，下底有堰头、八角亭、斗门头、木桥头、鱼鳃里、王何家、金吕家、后堰头、沿胡埭則腾蛟桥介十隻自然村。面积1.88平方公里，村民委员会来夯原来个堰头村，當年有村民680份人家，2327個人。

基本情况

村里向有兩埭老橋，一埭是斗門（閘）橋，是明朝戴琥造个，還有一埭是回籠橋，埭橋橫跨東小江，是單孔拱橋，橋丄有八角亭，1973年个辰光引水工程錢清段拓寬咾，橋咾亭都拆壞哋。