清凉山站

清凉山站来勒中华人民共和国江苏省南京市鼓楼区虎踞路广州路路口地下，是南京地铁7号线个地下地铁车站，2024年12月28号投入运营。车站个名字是因为附近个清凉山公园得名。

清凉山站是7号线全线唯一一座呒没柱子个拱形车站，来勒清凉山介许硬个地方挖出箇只地铁站。因为7号线下穿秦淮河、城西干道隧道，预留帮规划13号线个换乘，故咾箇站埋唻比较深，7号线部分车站开挖深度近51米，赛过15层楼高，是目前华东地区顶顶深个地铁车站。

车站设计

清凉山站主色调是古铜颜色，设计借鉴孙权来勒附近造石头城个历史典故，车站装饰面板采用菱形模块，沿拱形结构阵列排布，想呈现出“游龙在天，金麟涌现”个文化意象。车站顶部通过模拟龙鳞效果结合灯光个透射形成高光效果。同时，车站底部设计模拟南京城墙个元素。

• 
  清凉山站站厅（2024年12月）
• 
  清凉山站站台（2024年12月）

出入口

清凉山站目前有2只出入口，分别来勒广州路南北两侧，当中2号口是国内头一家来勒地铁站厅非付费区设置垂直电梯群集中疏散个，一拢总7部大容量电梯，电梯速度2.5米/秒，约莫15秒就好拿乘客从地面运到站厅层。