海宝
海宝（英语：Haibao），意思是“四海之寶”，是中国2010年上海世界博览会隻吉祥物。“海宝”是勒垃巫永坚拿汉字演变成吉祥物隻创意个基础丄，邵隆图“人”个核心理念底下，上海姑娘方芳进行造型设计个。2007年12月18号正式对外公布。[1]
形象
[编辑]
海宝个主体形象赛过隻汉字“人”，表示人是城市个核心。[2]海宝身体弗同部位也有得弗同设计理念：[3]
| 部位 | 特征 |
|---|---|
| 头发 | 赛过翻卷个海浪，表明海宝从海来个 |
| 脸部 | 卡通化个面孔表现友好自信 |
| 眼睛 | 大咾圆，表明对未来个期待 |
| 蓝色 | 象征包容搭仔想象力 |
| 身体 | 圆润可爱 |
| 拳头 | 翘起隻大节头表明欢迎来宾 |
| 大脚 | 是支撑，表明办好世博会个信心 |
名字来源
[编辑]上海世博会吉祥物征集办公室主任刘军曾透过口风，表示勒垃敲定用“海宝”箇名字前，团队亨巴冷打取仔200多隻名字，比方讲“海朋”、“海海”咾啥个，阿末确定用“海宝”箇名字[4]，因为“海宝”意思是“四海之宝”，读起来琅琅上口，搭伊身浪向隻颜色差大弗多。[5]
征集过程
[编辑]上海世博会事务协调局成立个上海世博会吉祥物征集办公室勒垃2007年1月17号开始向全世界征集吉祥物个设计。到5月31号，收到21隻国家个26655件作品。头一轮拿作品筛选到2000件仔么，征集办公室请仔11名终审评委评价作品，评委有得中国美术家协会主席靳尚谊、上海大学美术学院院长邱瑞敏、台湾温画家许培育、文化学者余秋雨咾啥个。[6]阿末敲定台湾设计师巫永坚为主个团队原创设计、邵隆图领衔个修改团队修改个“人”形海宝方案。
2007年9月24号，上海世博会第五次组委会会议敲定箇隻方案。[7]同年12月18号，中国2010年上海世博会组委会第一副主任委员、上海市长韩正勒垃“吉祥中国——2010年上海世博会吉祥物揭晓晚会”丄揭晓吉祥物海宝。[8]
流行文化
[编辑]勒垃2010年上海世博会举办前，有得专门个动画片《海宝来了》系列动画片。[9]
勒垃21世纪20年代，有人勒垃中文互联网丄拿海宝个表情配上上海闲话做成表情包，勒垃中文互联网有过热度。[10]
参考来源
[编辑]- ↑ 上海世博会吉祥物“海宝”问世背后. 新民周刊. 访问日脚2010-07-17.
- ↑ 吉祥物的主题体现. 上海世博会官网. 原始文档勒2010-03-10存档. 访问日脚2010-03-13.
- ↑ 吉祥物的主体形象. 上海世博会官网. 原始文档勒2010-03-10存档. 访问日脚2010-03-13.
- ↑ 设计者讲述"海宝"诞生记:给它取了200多个名字. 上海世博会官网. 访问日脚2010-03-13.[链接坏脱]
- ↑ 吉祥物的名字由来. 上海世博会官网. 原始文档勒2010-02-28存档. 访问日脚2010-03-13.
- ↑ 世博吉祥物"海宝"诞生记. 上海世博会官网. 访问日脚2010-03-13.[链接坏脱]
- ↑ 中国2010年上海世博会吉祥物"海宝"诞生记. 上海世博会官网. 原始文档勒2010-04-10存档. 访问日脚2010-03-13.
- ↑ 中国2010年上海世博会吉祥物“海宝”正式揭晓. 上海世博会官网. 原始文档勒2010-03-17存档. 访问日脚2010-03-13.
- ↑ "海宝系列动画片明年开播 成龙等卡通形象将登场". 中新网. 2009-09-01. Retrieved 2025-10-15.
- ↑ 地域笑话拉满的"沪爷冲击",成了当下年轻人最爱的梗图?. 游侠网 (2024-10-12). 原始文档勒2024-12-24存档. 访问日脚2025-10-15.
外部链接
[编辑]
| |||||||||||||||||||||||||||||||||||||||