上海四一一医院

上海四一一医院

上海四一一医院，也叫上海长海医院虹口院区、上海大学附属四一一医院，勒垃上海市虹口区东江湾路15号，是爿海军系统个三级甲等医院，中国融通医疗健康集团底下个医院。医院本部（医疗区）勒垃上海虹口东江湾路15号，占地面积22亩，有外科大楼、内科大楼、门诊楼、服务大楼、伽玛刀楼、住院大楼。。医院还有勒垃广粤路469号丄个医药研发中心帮勒垃多伦路210号原先白崇禧公馆里向个康复理疗科。。

历史

箇医院一开始是教会医院，日本占领上海仔么畀东洋人改造成日本远东地区海军中心医院。抗日战争胜利仔么，变成南京国民政府海军上海医院。1949年5月27号，八路军打进上海，华东军区海军接管医院，变成华东海军上海医院。1954年6月份，按照全军统一序列，改名成中国人民解放军第四一一医院，後来划畀海军上海基地。2004年，编制体制调整，箇医院转畀南京军区联勤第十三分部。2016年，深化国防军队改革，故咾转畀中国人民解放军东部战区海军后勤部。

2016年改革前，医院是第二军医大学、中国药科大学、江西中医学院、皖南医学院个教学医院，江西中医学院药剂学、药物化学专业、皖南医学院口腔临床医学专业个联合硕士培养点，海军医学研究所个临床研究部。1993年，中国人民解放军总后勤部评伊是军队头一批三级甲等医院。1996年，成为上海市头一批医疗保险定点医院。。伊辰光，医院实施学科建设“4321”工程计划，巩固提高脊柱外科、口腔、药学、计划生育优生优育4隻海军专科中心，发展烧伤整形、心脑血管、空潜科3隻重点学科，建成肿瘤治疗、血管介入治疗2隻专病治疗中心，重点关注一批优势学科。

改革前医院还有体系部队个医疗保障任务，承担航空兵、潜艇、潜水人员特勤医疗保障，神舟系列飞船后勤支援医院，海上医疗队卫勤保障外加舰艇出海、出访、南海巡航咾啥个医疗保障任务。2008年汶川大地震，医院派出2支医疗队共63人，勒垃90多天里向完成抗震救灾医疗保障任务，故咾有得“全国抗震救灾英雄集体”称号，2個人还立二等功。

2017年8月9号，医院划畀海军军医大学。2018年1月8号，医院划畀上海长海医院，变成海军军医大学第一附属医院（上海长海医院）虹口院区。2022年1月1号，医院正式移交畀中国融通医疗健康集团，同年10月14号医院正式挂牌成立。2023年2月25号，医院改名上海四一一医院。2024年1月9号，上海大学医学院帮上海四一一医院共建上海大学附属四一一医院签约揭牌。