浦城话

浦城话是主要来勒福建省浦城县北部通行个一种吴语处衢片方言，基准是县城南浦个方言。

分布

浦城县境内通行吴语浦城方言、闽北语石陂水北方言搭仔两者当中个过渡方言临江话，此外还有客家话、闽南话、官话零星分布。吴语方言浦城话个分布区域大致以县城为中心，好分成南浦方言、大北小北方言，南浦方言分布勒南浦、水南、万安、富岭、莲塘、永兴、古楼、仙阳，大北小北方言通行勒管厝以北个小北地区、忠信以北个大北地区，江西广丰南部个大峰小峰方言也有浦城方言分布，县边境地带另外分布有吴语龙泉话、江山话、广丰话。

音系

声母

浦城话南浦方言声母

塞音搭 塞擦音	清送气	pʰ	tʰ	tsʰ	tɕʰ	kʰ
	清不送气	p	t	ts	tɕ	k
	浊
擦音	清	f		s	ɕ		x
	浊
响音			l				∅
鼻音		m	n			ŋ

帮大多数吴语方言弗一样，浦城方言並呒没保留古全浊音，而是读清音，塞音、塞擦音声母大多数读弗送气清音，少数入声字读送气清音，清浊音对立紊乱。