泰兴大楼

泰兴大楼

泰兴大楼，老底子叫麦特赫斯脱大楼，勒垃上海市静安区南京西路（老底子叫静安寺路）930一946号、泰兴路（老底子叫麦特赫斯脱路）199—203号，勒垃箇两条马路路口西北面。箇建筑名字从泰兴路搭仔泰兴路个老路名“麦特赫斯脱路”来个。

历史

麦特赫斯脱大楼一开始是1930年集资成立个英商恒业地产公司个楼盘，占地2.15亩，1933年完工，主要用来出租。1950年代，中华企业公司接手，1956年交畀房管所。1994年2月15号，上海市政府确定泰兴大楼勒垃第二批上海市优秀历史建筑里向。

建筑

麦特赫斯脱大楼中部高12层楼，两面是对称个，高9层楼，是钢筋混凝土结构个，建筑面积8837平方米。大楼是八字形个，现代主义风格、装饰艺术风格，横竖线条根根清爽。设计者是新瑞和洋行（Smith & Co.，F. R.），老板史密斯也就是恒业地产公司个大股东，新申记营造厂承建个。