波斯尼亚搭黑塞哥维那历史

出自维基百科,自由个百科全书
(从波斯尼亚黑塞哥维那历史转戳到箇里)

波斯尼亚黑塞哥维那南欧个一个国家。

早期历史[编辑]

波黑历史起源蛮早个,从新石器时代就有人类居住,最早个居民为伊利里亚人公元前8世纪,伊利里亚人部落里开始出现国家,最早有记录个国家为Enchele。公元前7世纪,当地开始从青铜时代进入铁器时代,只有珠宝搭艺术品寻旧用青铜制造。拉北方个哈尔施塔特文化影响下,形成了托哈尔施塔特文化些微弗同个地区中心。

公元前4世纪,发生了有记载个凯尔特人对该地区个最早入侵,伊拉带来了陶轮技术,搭仔新式样个衣扣搭青铜条、铁条。

因为凯尔特人个最终目标是希腊,而该地只是伊拉前往希腊个必经之路,因此凯尔特人对该地个影响是可以忽略个。凯尔特人个迁徙导致交关多伊利里亚部落流离失所,部分凯尔特部落搭伊利里亚部落混合拉一道。

伊利里亚人搭伊拉个文化拉该地区并呒完全消失,一些文化元素保存拉今朝个波黑,譬方讲某些风俗、人名、地名、音乐、艺术等。 [1]

罗马时代[编辑]

伊利里亚人搭古罗马人个冲突始拉公元前229年,伊利里亚人个领土拉公元前168年成为罗马帝国个伊利里亚行省。9年该地区完全归罗马个统治,结束了持续3年个伊利里亚人对抗罗马人个叛乱。10年,萨瓦河南岸、今朝波斯尼亚个北部地区成为新建立个潘诺尼亚行省个一部分,而剩下今朝个波斯尼亚黑塞哥维那黑山达尔马提亚塞尔维亚西部则共同形成达尔马提亚行省。

拉罗马帝国时代,来自帝国各地个操拉丁语个人到该地区定居,罗马士兵退役后也被鼓励拉该地定居。乃朝个几个波斯尼亚城镇是罗马统治时建立个,如布纳河边个布拉加伊就建拉罗马城镇博纳个旧址上。

公元1世纪末之前基督教已传入波斯尼亚,大量该时期个文物可以证明箇一点。

337年到395年间,罗马帝国分裂,潘诺尼亚行省搭达尔马提亚行省被划入西罗马帝国。该地区首先被匈奴人攻占,后来拉455年辰光又被东哥特人占领,6世纪,拉东罗马帝国皇帝查士丁尼一世发动个哥特战争中,东哥特人个王国被东罗马帝国击败,现波黑南部地区一度成为东罗马帝国个一部分。

中世纪[编辑]

6世纪,起源拉今朝波兰南部个斯拉夫人阿瓦尔人结盟,而后拉6世纪搭7世纪拉东南欧开始共同入侵东罗马帝国,并拉萨瓦河亚德里亚海之间个土地定居。[2]后多更多个南斯拉夫人第二波入侵该地区,据部分学者认为,是东罗马帝国皇帝希拉克略请伊拉来驱逐达尔马提亚地区个阿瓦尔人。斯拉夫部落入侵个同时也带来了伊拉个信仰,箇些信仰曾搭土著居民伊利里亚人信仰个东正教并存。拉接下来个几个世纪内,波斯尼亚搭仔黑塞哥维那地区多次分属周围个各个国家。

1377年辰光特弗尔特科·科特罗曼尼奇(Tvrtko Kotromanić)建立了一个独立个波斯尼亚王国。拉1391年科特罗曼尼奇逝世后,波斯尼亚就进入了一个漫长个衰落期。1463年辰光奥斯曼帝国入侵,波斯尼亚被并吞。

奥斯曼帝国占领时期[编辑]

奥斯曼帝国个占领标志着波黑个历史进入新个时期,伊畀该地区个政治搭人文景观带来了巨大变化。奥斯曼帝国占领波斯尼亚后允许伊个以奥斯曼帝国单一省份个身份保留波斯尼亚老早个地位,外加该省使用波斯尼亚箇个地名,还享有奥斯曼帝国吞并而来个波斯尼亚领土形成个完整版图,箇拉奥斯曼帝国占领个巴尔干国家中可是特例。

拉奥斯曼帝国统治时期,以武力、宗教人头税等方式迫害当地塞尔维亚人搭克罗地亚人。并规定,凡是穆斯林,可进入上层社会;农民如改信伊斯兰教,可免交某些捐税。过去个学者认为,拉乃朝波黑境内个穆斯林大多是由于箇种政策所造成个。然而近年来个研究则认为波斯尼亚人改宗伊斯兰教多数并非被迫。[3]

奥斯曼帝国还强迫占领区儿童从小脱离父母搭家庭,进行集中教育搭培养,让伊成为近卫军个一种兵源,迫使塞尔维亚人搭克罗地亚人后代土耳其化。伊拉还拿占领地区个人分等级,畀弗同地位。凡是为伊个统治服务、效力个地主、军人等享有咾高个地位,而仍旧信仰基督教个塞尔维亚人搭克罗地亚人普通平民则被称为“赖雅”(源自阿拉伯语“畜牲”一词)。

奥匈帝国统治时期[编辑]

1878年个柏林会议上,奥匈帝国通过本国外交部长安德拉什获得了波黑个行政权搭仍处拉奥斯曼帝国占领之下个新帕扎尔个驻兵权。波黑就箇样成为了奥匈帝国个领地。

1914年奥匈帝国皇储斐迪南大公萨拉热窝被塞族民族主义者所刺杀(参见萨拉热窝事件),直接导致第一次世界大战个爆发。战后波黑成为南斯拉夫王国个一部分。

第二次世界大战[编辑]

第二次世界大战期间,南斯拉夫王国被纳粹军队占领,波黑成为轴心国、纳粹傀儡国克罗地亚独立国(NDH)个一部分。为了巩固自家个统治,克罗地亚独立国领导人广泛个迫害搭屠杀了对伪政权弗利个塞尔维亚人克罗地亚人犹太人罗姆人搭铁托领导下个游击队员、共产党员、反法西斯人士,并设立了大量个纳粹集中营

为了奈纳粹驱逐出去,咾多塞尔维亚人参军,包括南斯拉夫人民解放军搭游击队南斯拉夫祖国军(较为熟知个名字是切特尼克)。南斯拉夫人民解放军搭游击队拉1941年建立,是一支多民族组成个游击队,由铁托领导个南斯拉夫共产党组织。箇只部队拉战斗中同时托轴心国军队搭切特尼克作战。切特尼克则是一支进行塞族民族主义搭保皇主义抵抗运动并用游击战对抗纳粹占领军个部队。弗过切特尼克个游击战作用弗大,只好搭共产党游击队员合作,尽管拉后来因理念弗同又托共产党游击队员作战。切特尼克也以迫害、杀害非塞族人搭共产党搭伊个支持者而被人熟知。

战后南斯拉夫铁托领导,搭实际民族分布蛮有出入。

南斯拉夫社会主义联邦共和国[编辑]

1946年,铁托南斯拉夫建立了南斯拉夫社会主义联邦共和国,波黑正式成为箇个新国家个六个成员国之一 。因为伊拉南斯拉夫中间,所以战后个波斯尼亚从战略上被选为防务工业发展个基地,箇对于波斯尼亚高度集中个武器工业搭军事人员有帮助,也成为后来影响1990年代南斯拉夫社会主义联邦共和国解体搭随后个波斯尼亚战争个重要因素。

20世纪70年代,南斯拉夫承认“讲塞尔维亚-克罗地亚语个伊斯兰教徒”为穆斯林族(即波黑独立后个波斯尼亚人),让原本构成南斯拉夫主体个民族由五个提升到六个。新承认个穆斯林族,人口少过塞尔维亚人克罗地亚人位居南斯拉夫第三位。

波斯尼亚战争[编辑]

1992年2月19号,波黑拉塞族抵制个情况下,就独立问题举行公民投票。投票结果显示,约占人口62.8%个穆斯林族搭克罗地亚族支持独立。3月3号,波黑议会拉塞族议员缺席抵制个情况下宣布独立,导致民族矛盾激化,4月6号,拉欧洲共同体承认波黑独立个同一天,波黑境内5个塞族自治区宣布联合成立塞族共和国,从波黑独立,但依然留拉南斯拉夫内。塞尔维亚人个行动招致波黑政府个镇压,驻扎拉波黑境内个南斯拉夫人民军也招穆斯林搭克罗地亚两族武装个攻击。4月7号,南斯拉夫人民军出动飞机轰炸了克罗地亚族武装力量个弹药库,武装冲突骤然升级。冲突从首都萨拉热窝向外蔓延,酿成全面内战。1994年3月穆斯林搭克族人同意共组联邦,共同对抗塞族人。1995年11月21号各方签署代顿和平协定,结束内战,并把波黑分为波黑联邦以搭塞族共和国两个政治实体。波黑内战中共有二十万人死亡,超过二百万人流离失所。

战争结束后,北约拉波黑继续驻扎维和部队,2004年底由欧盟所取代。

2006年10月1号,大选举行。[4]10月18号,中央选举委员会公布,波斯尼亚族个哈里斯·西拉伊季奇、塞尔维亚族个内博伊沙·拉德马诺维奇搭克罗地亚族个泽利科·科姆希奇当选为主席团成员。议会代表院42个席位中,民主行动党获得9席,波黑党获得8席,独立社会民主联盟波黑社会民主党分别获得7席搭5席,挺下来席位被别样一些政党搭政党联盟获得。[5]2007年2月9号,以尼科拉·什皮里奇为部长会议主席个政府宣誓就职。[6]

反政府示威(2014年)[编辑]

2014年2月4号个反政府示威被称为“波斯尼亚之春”,箇场始拉北部城镇图兹拉个示威个名字来源拉阿拉伯之春。起因是来自几家破产个私人企业个工人联合起来要求政府创造更多就业机会,付清工资,支付养老金。[7]咾快箇场示威蔓延到国内别样地方,拉近20个城镇侪有暴力冲突报道,其中以萨拉热窝泽尼察莫斯塔尔比哈奇布尔奇科图兹拉最大。[8]据波黑新闻媒体报道拉示威中有有数百人受伤,包括许多警察。另外拉巴尼亚卢卡也有数百人集会支持反政府示威。[9]

箇场示威标志着自1995年波斯尼亚战争结束以来波黑国内人民对于高失业率搭20多年政府个政治惰性个愤怒个最大爆发。[10]

注释[编辑]

  1. Ardian Adzanela Axhanela (2004年). Illyrian Bosnia and Herzegovina-an overview of a cultural legacy. academia.edu.
  2. The Slavs on The Columbia Encyclopedia, Sixth Edition
  3. Bringa, Tone(1995).Being Muslim the Bosnian Way: Identity and Community in a Central Bosnian Village.Princeton University Press,14-18.ISBN 0-691-00175-8 
  4. 何毅,波黑举行全国大选 登记选民约275.5万人新华网
  5. 连国辉,王海昉,波黑全国大选最终结果揭晓,新华网
  6. 连国辉,王海昉,波黑新政府宣誓就职,新华网
  7. BBC (2014年2月8号). "Bosnian protests: A Balkan Spring?". BBC.
  8. "Građanski bunt u BiH". klix.ba (2014年2月8号). 原始文档勒2014年2月7号存档.
  9. BBC (2014年2月8号). "Bosnia-Hercegovina protests break out in violence". BBC.
  10. 悉尼先驱晨报 (2014年2月8号). "Bosnian protesters storm government buildings". 悉尼先驱晨报.