泗安鎮
| 泗安鎮 | |
|---|---|
| — 鎮 — | |
| 省 | 浙江省 |
| 市 | 湖州市 |
| 县 | 长兴县 |
泗安，老底子寫成四安，是吳越浙江湖州長興縣个一隻鎮。泗安鎮有拉浙江搭安徽省搭界个地方，面積257平方公里。[1]
歷史
[编辑]泗安老底子寫成四安。舊志裏向講：「以其四方平廣，故曰四安，或曰以保障吳興、宜興、故鄣、廣德四處，故名。」[2]
根據清朝辰光个《長興縣誌》，泗安鎮有起拉長興縣西南方七十里路，隋朝大業九年（公元613年）个辰光置鷹揚府，造許城池。城有四隻門，東門呌長安，西門呌廣安，南門呌吉安，北門呌宜安，介歇遺址還勒許。宋朝手裏設監鎮一員，以京官爲之。貤設犒賞酒庫一所，元朝手裏設稅務一所。
明朝手裏个長興人顧應祥寫過一本《四安鎮志》，後末來散失脫唻。[3]
清朝末年泗安鎮分成上、中、下三個部分。[2]
2000年，撤銷泗安鎮搭長潮鄉，合併設立新个泗安鎮。[4]2012年5月29号，浙江省人民政府批复撤销二界嶺鄉，併到泗安镇。调整以后，泗安镇镇政府有拉三里亭村。[4][5]
泗安鎮个村咾社區有：柴灣社區、新豐村、仙山村、五豐村、雙聯村、趙村村、五里渡村、長崗嶺村、慶豐村、三里亭村、錢莊村、禧祉村、興隆村、玉泉村、師姑崗村、黃巢㘰村、管埭村、楊灣村、长潮岕村、蓮花村、鳳凰村、上泗安村、初康村、羅家地村、毛家村、雲峰村、東村村、太平村搭二界嶺村。[4][6]
閒話
[编辑]太平天國之後，河南、安徽、溫州、江北咾啥場許个移民跑到長興來，介咾介歇長興通行个閒話除脫本地閒話（吳語），還有“河南閒話”（中原官话信陽方言）、安慶閒話（江淮官话）、“平陽閒話”（實質丄大部分是閩南閒話）、温州话、宜興閒話咾啥个。[7][8]2016年調查个辰光，泗安鎮348隻自然村，有16隻村坊只讲本地閒話，134隻村坊只講河南閒話，29隻村坊只講平陽閒話，還有1隻村坊只講安慶閒話；通行兩種閒話个村坊裏向，貤講河南閒話，貤講建德閒話个村坊頂多，有35隻，貤講長興閒話貤講河南閒話个村坊有22隻，另外還有交關雙語村坊搭三語村坊。[8]
泗安鎮河南人多，河南閒話是強勢閒話，當地刮建德人、蘇北人也專門介講河南閒話，伽子孫後代，特別是第三代、第四代，交關人建德閒話搭蘇北閒話也講弗來許唻，但是有刮人河南閒話或者長興閒話倒講得來个。有刮本地人河南閒話也講得好煞。[8]
特产
[编辑]參考資料
[编辑]- ↑ 泗安镇人民政府 (2023-01-05). 泗安镇简介. 长兴县人民政府. 原始文档勒2025-03-15存档. 访问日脚2025-03-15.
- ↑ 2.0 2.1 （简体中文）浙江省长兴县地名委员会（1983年01月）．长兴县地名志 ．
- ↑ 张勤，陈凯（2020）．浙江乡镇志书研究 ．社会科学文献出版社．ISBN 978-7-5201-6609-6．
- ↑ 4.0 4.1 4.2 行政区域 (zh-cn). 长兴县人民政府. 原始文档勒2025-04-15存档. 访问日脚2025-03-15.
- ↑ 省民政厅区划处. 2012年浙江省行政区划变更情况 (zh-cn). 浙江省民政厅. 原始文档勒2025-03-23存档. 访问日脚2025-03-23.《浙江省人民政府关于长兴县部分行政区划调整的批复》（浙政函〔2012〕87号）
- ↑ （简体中文）（2023年11月）浙江省民政厅 编：浙江省标准地名录 第1卷 ．上海：上海辞书出版社，354-355．ISBN 978-7-5326-6136-7．
- ↑ 俞允海. 长兴县多移民与多方言现象研究. 湖州师范学院学报. 2019-03, 41 (3) （中文（简体））.
- ↑ 8.0 8.1 8.2 （2020年9月）长兴县史志研究室 编：长兴方言志 ．北京：方志出版社．ISBN 978-7-5144-4468-1．
| |||||||||||||||||