沪青平公路

吴语维基百科,自由个百科全书
跳到导航 跳到搜索

沪青平公路上海经过青浦吴江平望个公路,也就是318国道(到云南瑞丽)上海搭仔吴江一段,从上海虹桥机场格搭接通延安西路,到平望接通到湖州个公路。从虹桥机场开始算,经过徐泾、赵巷、青浦、朱家角到平望。

搭本地别个公路一样,沪青平公路修筑个早年,是来拉水乡田埂土路个基础浪连接起来个。个咾一开始交关曲折,外加还狭。公路两旁边水杉成行,荷塘水田弗断,交关有得乡村景致。一埭路里跨越木老老个大小河浜,为之讲桥是来得个多,从上海程家桥开始编号,叫“几号桥”、“十几号桥”、“廿几号桥”,一径排到青浦个西横头,第星桥本身个“某某浜桥”个名字反而是沪青线卖票员记弗大清爽个。九十年代上海市大规模修整沪青平公路,乃末再成为标准化个水泥马路。本世纪新修个“沪青平高速公路”(编号A9)个路线搭原来个“沪青平公路”弗大一样,大体浪勒海老路个南面。