沪西工人半日学校史料陈列馆

沪西工人半日学校史料陈列馆是中華人民共和國上海市普陀区西苏州路1015号个展览馆，面积406平方米，主要展览中国共产党创办个工人学堂个历史。展館里向分成“火红序幕”、“峥嵘起步”、“荣耀征途”、“火种延绵”四隻展区，2021年6月21号開館。

1920年秋，中国共产党个前身組織勒垃上海小沙渡槟榔路（乃朝安远路）锦绣里62弄178号至190号创办免费个工人学堂，教員有李启汉、陈为人、雷晋笙等人，教科书是上海基督教青年会编印个普通识字课本。工人分早晏两班上课，故咾又叫“半日学校”（沪西工人半日学校）。因为前來学习个工人較少，1920年12月19号，沪西工人半日学校短暫改成上海工人游艺会，会场勒垃白克路207号上海公学（乃朝凤阳路186号）。1921年春，沪西工人半日学校重新开学。1921年8月份，中国劳动组合书记部勒垃沪西工人半日学校原址办上海第一工人补习学校，教員有李启汉、李震瀛、包惠僧等人，教科書有《劳动运动史》。1922年7月份，中国劳动组合书记部机关畀上海公共租界巡捕房查封，上海第一工人补习学校停办。截至2021年，沪西工人半日学校旧址已经拆除造仔新楼盘，另外重新造仔箇家陈列馆。