沈邁士
| 沈邁士 | |
|---|---|
| 出生 |
沈祖德 1891年2月18号 |
| 逝世 | 1986年4月2号（95岁） |
沈邁士（1891年—1986年4月2號），名祖德，号宽斋，以字行，吳越吴兴竹墩村（介歇浙江省湖州市）人，書畫家。[1]
生平
[编辑]沈邁士是光緒十七年正月初十（1891年2月18號）出生个。[2]
1907年，渠从苏州到嘚上海，进嘚徐汇公学，后末来转到震旦大学，从震旦大学文科毕业，擔着嘚学士学位。因为懂法文咾，1916年进到箇個辰光有拉上海个江苏交涉公署当办事员，后末来是科员。1918年，调到北京外交部政务司做生活。“五四”运动个辰光，蔡元培请渠到北大兼职教法文，还拉北京古物陈列所兼任副所长。箇個辰光沈士远、沈尹默、沈谦士弟兄三個也有拉北大教書，渠拉是沈邁士吴兴竹墩沈氏个本家，渠拉蠻合得來个。[2]
北伐之後，沈尹默做嘚河北省政府委员兼教育厅长，沈邁士也跟去當嘚省政府秘书处科员。 後末來沈士远做嘚浙江省政府委员兼秘书长，沈邁士一家門也搬到嘚杭州，當嘚浙江省政府秘书处第一科科长，後末來是秘书，1930年辞职。1931年又跑到南京去當考选委员会秘书代第三科科长。[2]
1931年，搬到上海，蹲拉环龙路志丰里（介歇个南昌路148弄），当震旦大学教授，兼职中法教育基金委员会、中法文化委员会。抗战爆发以后，搬场到辣斐德路辣斐坊（介歇个复兴中路553弄）1号。中华人民共和国成立以后，当过中国美协上海分会理事、上海中国画院画师。[3]文化大革命个辰光，沈迈士畀人迫害，搭渠打成嘚“反动学术权威”。[2]1979年，渠畀人聘为上海市文史馆馆员；1981年湖州书画院成立，渠又畀家乡聘为湖州书画院名誉院长。[2]1985年3月份加入中国共产党。[1]
1986年4月2號，沈邁士從上海到湖州參加碧浪碑亭落成典禮，典禮剪綵以後突發腦溢血，當日夜个頭11點11分過世。1987年4月16號，屋裏向搭渠葬拉峴山山腳。[4]
书画
[编辑]沈邁士拉爷沈瑞琳是顧若波个再传弟子，娘是龚韵珊，全蛮会得书画个。受着屋里向个影响，渠七、八岁个辰光就相信画图。[2]