沈受謙

沈受謙
出生	沈长根 1836年
逝世	1917年

沈受謙，字牧卿，號江梅，老百姓謳渠江梅老爺，吳越紹興府蕭山縣人，大清朝官員，放福建德化縣知縣、臺灣府臺灣縣知縣則永春直隸州知州。

生平

出身則早年

沈家門本來蹲夯昭東長巷村（箇卯个瓜瀝鎮長巷村），沈受謙是長巷沈氏第三十二世。伽爹爹沈錫亭是個農民，有個堂阿哥來夯衙前街丄開了爿米店，沈錫亭到堂阿哥拉店裏幫忙。渠還有個阿弟，是個窮秀才，靠堂阿哥幫忙，來夯臨浦街上租了爿小屋開蒙舘，收了十來個學生子。沈錫亭拉阿弟拿錫亭拉兒子沈长根收爲學生子，拿渠個名字改成受謙。

宦途

同治七年（1868年），渠考中戊辰科進士，放德化县知縣。光緒十年（1884年），放臺灣府臺灣縣知縣。光緒十三年（1887年）三月，放永春直隸州知州。光绪十五年（1889年），渠告老还乡。

身後

沈進士第牧卿公祀碑

民國五年（1916年）死坏，畀伽兒子沈定一則沈宗倫（仲清）埋夯洛思山陽个五龍江口，碑上刻「大乎父之墓」，後來來夯文化大革命介節畀人家敲壞，箇卯來夯同富村還有遺蹟。

家庭

渠討了一個老嬤則兩個小老嬤。大老嬤龕山宋氏死得早，生了一個兒子仲清（字宗倫），排行老二，人家謳渠「二老爺」。大兒子伯孝是小老嬤葉氏生个，身體弗好，毛病弗少，年紀輕輕入了道教，生毛病死壞哋。後來葉氏也生毛病死壞哋。沈受謙來夯福建延平府順昌縣做知縣介節討了個小老嬤呌傅太娰，光緒九年（1883年）十月廿五來夯縣署生了個兒子，起名宗傳，字叔言，就是後來个沈定一（字劍侯），老百姓謳渠「三老爺」。