沈佩蘭

沈佩蘭
出生	1903年 萧山县沈村
逝世	1954年
墓地	蕭山縣塘塢村

沈佩蘭（蕭山說話：Sen Be Lae，1903年—1954年），吳越蕭山沈村（箇卯歸杭州市蕭山區戴村鎮）人。1940年，一支日軍部隊佔領蕭山塘塢村吳家（沈佩蘭拉老公屋裏）祠堂，沈佩蘭向國軍抗日部隊報信，讓抗日部隊用大炮則吳家祠堂咾吴家墙门个屋炸擔壞咾，則兩百多個日本兵滅壞。沈佩蘭个事體畀介節个報紙報導，國民政府發畀渠一塊「國爾忘家」个牌匾。

生平

沈佩兰小名水娥，1874年生勒萧山云石乡沈村。伽爹沈子延是清朝光绪手裏个秀才，创办勒沈村小学。伽娘思想開明，人蠻正直个，還歡喜讀書。伽爹创办勒沈村小学以後，爲勒讓女小人都來讀書，就讓自个囡沈佩蘭去讀書，是沈村第一個受着正规教育个女小人。

沈佩蘭十八歲个辰光，則表哥吴寿彪结婚哋。吳家門是塘坞村个大户人家，沈佩蘭拉阿公老頭吴锡堂來夯义桥街丄、杭州南星桥都有布行咾木行开夯，生意做得蠻大夯。塘坞村裏向弗認得字个蠻多，沈佩蘭就來夯屋裏開私塾，免費敎窮人个小人，塘塢村成立小學以後，仍番來夯學堂裏向教書。

1940年，日軍佔領蕭山縣城，同一年，有一支日軍部隊退到塘塢村，躲夯吳家祠堂裏向。沈佩蘭就䞪去则抗日部队一九二师报信。抗日官兵告送沈佩蘭，沈佩蘭拉个吴家墙门个十七間屋來夯祠堂个前頭，只勒用大炮則箇十七間屋還有祠堂一淘轟壞，再好則箇星日軍滅壞。沈佩蘭就同意哋。後歇來，一九二師就用大炮炮擊吴家墙门则吴家祠堂，再发动攻击，滅壞兩百多個日本兵。

因爲捨小家爲抗日个事蹟，沈佩蘭變成抗日英勇哋，《东南日报》、《扫荡报》、《大公报》都報導勒渠个事体，国民政府发畀渠一块“国尔忘家”个牌匾。

1941年，沈佩蘭到武义县管儿童教养团，還從前線蕭山縣救出180多個難童。

1954年，沈佩兰脑溢血发作咾無有哋。

紀念

沈佩兰则伽男人个坟来夯义桥镇昇光村塘坞自然村里庵坞山，是1954年造个，1989年重新修过，2015年畀杭州市园林文物局公布为市级文物保护点。

2025年4月9号，讲沈佩兰个故事个微电影《黑瓦白虹》开机。