江桥镇站
𪥸拿箇篇文章搭江桥站弄错。
江桥镇站勒垃上海嘉定江桥镇，是京沪铁路丄座弗办理客运业务个四等车站，是南何铁路搭仔沪宁铁路个接轨站，1958年造个[1]。南何线从南翔站出发，切过箇站以後转出去；车站里向有2条正线、3条小运转线。1984年宝山钢铁厂造好仔么，南何线个需求增加交交关关，原本是两线平面交叉个江桥镇站变成隻瓶塞子拿进进出出个火车堵牢，故咾1986年造仔江桥铁路立交桥跨过江桥镇站，1987年12月31号造好通车[2]:195。
2009年修沪宁城际铁路个辰光，江桥镇站也进行改造。车站改造好仔么，股道由北往南依次是京沪下行线、沪宁城际下行线（左线）、沪宁城际上行线（右线）、京沪上行线搭仔小运转线（沪昆环到线）[3]。