江心清真寺

江心清真寺，也叫江心村清真寺，是安徽省池州市东至县个一隻清真寺。

历史

江心洲早期个移民是清末光绪年来个，主要是西北陕西商州搭安徽怀宁、安庆咾啥个场化个马、丁、梁三姓回民。1998年，长江发大水，全村380份人家全搬到长江南岸个黄石矶，造仔移民新村。1961年全洲有270户、1200来個人，1983年有350户，1700個人。

中华人民共和国成立之前，江心洲穆斯林有礼拜寺，到重大宗教节日个辰光，就渡江到安庆清真寺。中华人民共和国成立之后，江心村清真寺好几趟畀水冲脱又造过，2002年修复靠百平方米、砖木结构沿江民居式个清真寺，同年又勒移民新村新造仔阿拉伯建筑风格、砖混结构、面积220平方米个清真寺。

历任阿訇

马兆连（1944年到1946年），余永年（1946年到1959年），姚克道（1960年到1962年），马吉树（1963年到1998年），马自算（1985年以后）