江镇

江镇，原名江家路口，乃朝勒垃上海市浦东新区祝桥镇东南部，川南奉公路江镇河交会处，是老底子江镇人民政府个地方。历史丄，清雍正年间，姓江个人勒垃箇𡍲开店，又因为伊勒垃过钦公塘个道口丄，故咾叫箇個名字。江镇沿咾川南奉公路南北向分布，面积41公顷。十字形主街丄商店多，有得纺织机械、五金、毛巾、塑料、丝绸、服装等厂。土特产是芦花扫帚。

1930年前后，江镇经六团、川沙到十六铺个小班轮开通哉。1936年3月份，上川铁路横穿江镇，一路望南延伸到南汇县祝桥。1937年淞沪会战，火车弗得弗停运，江镇也变得唻一塌糊涂。

江镇乡原本是南汇县祝桥区个，1950年划畀川沙县，成立江镇区，1954年划畀城南区，1957年撤区并乡，成为江镇乡。1958年人民公社化，成立跃进人民公社，後首来改名江镇人民公社。1984年政社分设，重建江镇乡，有江镇、华路、沙泥码头三隻集镇。

1995年，浦东新区撤乡建镇，江镇乡改名江镇镇。1998年9月7号，经上海市府批准，撤销江镇、施湾镇，合并建立机场镇。2005年，机场镇同川沙镇合并成立川沙新镇。2011年，川沙新镇、祝桥镇、六灶镇“撤三并二”，成立新个川沙新镇搭仔祝桥镇，江镇社区划畀祝桥镇。