永富村（蕭山）

永富村
—  行政村  —
省	浙江
市	杭州
區	蕭山
鎮	戴村

永富村，是吳越浙江省杭州市蕭山區戴村鎮个一隻行政村。

歷史

1961年7月是永興橋公社建民大隊、馬鞍大隊則冗里大隊。1969年2月份，劃畀義橋公社。1971年2月份，歸永興公社。1984年5月，歸永興鄉，分別是積堰山村、馬鞍村則冗里村。1992年5月份，歸戴村鎮。2005年5月，三隻村堂合併成永富村。

概況

永富村來夯永興河東北面，到鎮政府四公里，面積3.06平方公里。東面則臨浦鎮臨一村搭界，南面則郁家山下村、石馬頭村搭界，西面則大石蓋村以山爲界，北面到浦陽江，則義橋鎮徐童山下村搭界。

2022年，有701份人家，2406個人，耕地2054.5畝，山林1011畝，水面85畝。2021年村集體經濟收入毛九十萬塊洋錢。

自然村

• 冗里：來夯村西北面，北宋太平興國三年（978年），有新義鄉冗村里。民國《蕭山縣志稿·疆域·村落》有冗里村名記載。20世紀30年代歸二都十八圖，2014年左右有520個人。村裏向主要姓施咾徐。
• 新庵：來夯村西北面，馬鞍山西北山腳根，馬鞍山丄有隻尼庵“迴龍庵”，後歇來金姓搬到箇丄，有了隻新个村堂，介咾叫新庵。20世紀30年代歸二都十八圖。
• 馬安園：來夯村西北面，2007年命名，2014年左右有87個人。
• 獨山頭：來夯村當中，馬鞍山東面山腳根，村堂北面靠牢獨山，介咾呌箇隻名字。20世紀30年代歸二都十八圖。2014年左右有145個人，村裏向主要姓洪咾王。
• 上蔡：來夯村西北面，蔡姓蹲帶箇丄，箇咾呌箇隻名字。20世紀30年代歸二都十八圖。2014年左右有187個人。
• 新宅：來夯村西北面，村面搬到箇丄，造新房子，介咾呌箇隻名字。20世紀30年代歸二都十八圖。2014年左右有205個人。
• 盛家：來夯村南面，盛姓蹲帶箇丄，介咾呌箇隻名字。民國《蕭山縣志稿·疆域·村落》有盛家莊村名記載。20世紀30年代歸二都十八圖，2014年左右有116個人。
• 黃洞嶺：來夯村南面，村堂靠牢黃洞嶺，介咾呌箇隻名字。民國《蕭山縣志稿·疆域·村落》有黃同嶺村名記載。20世紀30年代歸二都十八圖。以前呌裏黃洞嶺，2007年改成箇卯个名字。2014年左右有134個人。
• 姚家山下：來夯村東面。姚姓蹲帶箇丄，村堂東面靠山，介咾呌姚家山下。民國《蕭山縣志稿·疆域·村落》有姚家山村名記載。20世紀30年代歸二都十八圖，2014年左右有301個人。
• 大東塢：來夯村東南面，靠牢東塢山，介咾呌大東塢。民國《蕭山縣志稿·疆域·村落》有東塢莊村名記載。20世紀30年代歸二都十八圖，2014年左右有185個人。
• 小東塢：來夯村東南面，靠牢東塢山，人比大東塢少，介咾呌小東塢。20世紀30年代歸二都十八圖，2014年左右有118個人。
• 譚宇里：來夯村東北面。乾隆手裏有譚姓從臨浦譚家埭搬到箇丄，後歇來生兩個兒子，一個兒子圩田造房子，呌譚圩里，也叫譚家頭。民國《蕭山縣志稿·疆域·村落》有譚圩里村名記載。2007年改名譚宇里自然村。2014年左右有118個人。
• 山坎頭：來夯村東北面。乾隆手裏有譚姓從臨浦譚家埭搬到箇丄，後歇來生兩個兒子，一個兒子背靠磧堰山造房子，後歇來呌山坎頭。民國《蕭山縣志稿·疆域·村落》有山勘頭村名記載。2014年左右有275個人。