永乐御碑
| 永乐御碑 | |
|---|---|
| 浦东新区文物保护单位 | |
| 所在 | 上海市浦东新区高桥镇 |
| 时代 | 明代 |
| 登录 | 2002年1月14号 |
|
| |
永乐御碑，貤叫宝山御碑、宝山烽堠碑，来勒上海市浦东新区高桥镇，2002年成为浦东新区文物保护单位。
历史
[编辑]明永乐十年（1412年），长江口航道风急浪高，又没信标，平江伯陈瑄提议筑土山提醒往来船只。[1]箇末，来勒高桥东北海边造土山，高三十丈，方各百丈，造烽堠，白天举烟，夜里向明火，永乐帝叫伊“宝山”，亲笔写文章，刻勒石头浪，来勒宝山西北面立碑，箇就是“永乐御碑”。[2][1]这也是宝山区名字个由来。[3]
万历十年（1582年）七月，宝山因年久失修畀海潮冲垮脱。当地百姓拿碑捞出来，搬到清浦旧镇个桥北，造亭子。民国年间，亭子坍脱，高桥乡乡董钟玉良拿伊搬进高桥公园（乃朝高桥中学）。1984年，高桥中学根据上海市文管会意见，仿照宝山制式，新造六角碑亭，拿永乐御碑搬到“明御碑亭”里向头。2002年成为浦东新区文物保护单位。[4][2]
此外，宝山临江公园里向还有“御碑亭”一座，有永乐御碑复制品。[5]
参考资料
[编辑]- ↑ 1.0 1.1 《明史》（卷153）：明年，瑄言：“嘉定濒海地，江流冲会。海舟停泊于此，无高山大陵可依。请于青浦筑土山，方百丈，高三十余丈，立堠表识。”既成，赐名宝山，帝亲为文记之。
- ↑ 2.0 2.1 （2009）古镇高桥 ．上海辞书出版社．ISBN 978-7-5326-2722-6．
- ↑ 从御制宝山碑看高桥与宝山的关系. 澎湃新闻 (2024-08-26). 访问日脚2025-01-20.
- ↑ “三水”交汇处的这座文化名镇，饱经风霜充满故事. 澎湃新闻 (2023-05-20). 访问日脚2025-01-20.
- ↑ 唐吉慧 (2022-09-27). 钩沉丨宝山原来有座山. 澎湃新闻. 访问日脚2025-01-20.