毛家角村

毛家角村，是上海市青浦区重固镇个一隻行政村。毛家角村村委会勒垃北青公路6725弄38号。

毛家角村勒垃重固镇东南面1公里个地方，东面搭华新镇叙南村搭界，南面搭郏店村搭界，西面搭福泉山村搭界，北面搭新联村搭界。

毛家角村下头个自然村有：新泾浜村、陈华港村、吴桂泾村、艾祁村、西张仕泾村、飞火岐村、东小泾村搭东张仕泾村。

历史

传说清朝手里一個姓茅个大户蹲垃第搭，渠个宅院有楼、亭、阁、廊，叫作茅家阁，后首来畀人陷害咾满门抄斩，地名原旧叫毛家角。毛家角地区老底子是重固地区抗日武装根据地裏向个一個，垃顾复生手底下，有百把個人个人民抗日自卫队，勒垃赤乌庵地区打败白鹤江到重固来扫荡个日军。

中华人民共和国成立开始辰光，有得毛家角搭孙家圩两隻行政村，归龙固区郏店乡管。1958年个辰光是重固公社毛家角大队、孙家圩大队，1959年合并成毛家角大队。1984年，改名重固乡毛家角村村民委员会。