武器，是人类为达到杀伤或者防御个目的制造个器械。武器从人类文明发展开始就有出现，之后，伴随战争弗断演化，从青铜器到铁器，再从冷兵器到热兵器。乃朝，世界浪所有国家侪有武器存在，各个国家个军队侪武装大量常规武器乃至核武器。除脱军队之外，警察、特警、安保搭恐怖组织也装备老多武器。立在一些国家（美国等），政府允许自家个公民持枪，至于小刀之类个，就更加普遍哉。
