歌声与微笑

《歌声与微笑》是中国大陆一首青少年歌曲，王健写个词、谷建芬写个曲。

历史

1986年8月份，作词家王健收到上海国际友好城市电视节组委会个约稿信，要伊畀电视节写首歌曲，用四到六句歌词表达初“友谊、交流、合作、发展”个主题，後首来还收到组委会发来个交关呒没签名个歌词，经过反复比稿，谷建芬拣出箇首伊认为是最好个作品，豪慅谱好曲，发现就是好友王健写个《歌声与微笑》。头一届“上海国际友好城市电视节”丄，上海小荧星少儿合唱团进行头一埭表演，旋律优美，琅琅上口，好评交关仔么变成上海电视节个会歌。

1988年个六一儿童节，《歌声与微笑》勒垃央视专题节目里向播出，受到欢迎。1989年中国中央电视台春节联欢晚会丄，中央电视台银河少年电视艺术团专门唱仔第首歌，故咾传唱开来，成为首有代表性个少儿歌曲，收录进中小学音乐教材里向，也成为部分中国大陆城市广场丄隻音乐喷泉个背景音乐，比方讲潮州人民广场。2007年11月份，“嫦娥一号”搭载有《歌声与微笑》就跑到月球轨道哉。2012年开始，《歌声与微笑》成为每年央视六一晚会个结束曲。