横扇街道

横扇街道个景色

横扇街道，是苏州市吴江区个一隻街道。街道西面是太湖、南靠太浦河，S230（苏震桃公路）、S459（莘七线）、沪渝高速从境内穿过。

横扇街道是2019年6月17号挂牌正式成立。区域总面积71.4平方公里，户籍人口4.36万人。

历史沿革

宣统两年（1910年）设横扇镇，民国元年（1912年）横扇属吴江县，改成乡。民国十八年，置横扇镇，镇丄设6乡1镇办事处。民国廿年前後，横扇进入吴江县“七大镇三小镇”个小镇行列。民国廿三年（1934年），横扇改属第八区。1943年沦陷个辰光划拨庙港区。民国三十六年（1947年），设横扇区，管横扇、平望两镇，第二年开始增管梅堰、溪港兩鄉。

民国三十八年（1949年）5月解放初，设横扇镇，归属平望区。1950年，成立横扇小乡，归属大庙区。1956年3月份，建立横扇乡，属震泽区。1958年，成立横扇人民公社。1983年，改回横扇乡。1992年11月，撤乡横扇镇。2003年12月，横扇镇搭菀坪镇合并成立新个横扇镇。

2012年，横扇镇并进松陵镇。2018年，松陵镇撤脱，八坼、菀坪、横扇、沧浦、渔业箇5隻居委会搭直港、石铁、联民、汤华、友谊、友联、新营、黑龙、练聚、农创、星字湾、四都、北横、叶家港、沧洲、姚家港、圣牛、双湾、大家港、厍港、诚心、安湖、同芯、王焰、新湖、菀南箇26隻村委会区域设立横扇街道。同一年，苏州市人民政府同意划出横扇街道个八坼居委会搭10隻村委会（直港、石铁、联民、汤华、友谊、友联、新营、黑龙、练聚、农创）个区域，设立八坼街道。

行政区划

下头有4隻居委会咾16隻村委会：

• 菀坪、横扇、沧浦、渔业

• 星字湾、四都、北横、叶家港、沧洲、姚家港、圣牛、双湾、大家港、厍港、诚心、安湖、同芯、王焰、新湖、菀南

閒話

横扇个方言属于北部吴语苏嘉湖小片。按照汪平《吴江市方言志》个分法，震泽、桃源、七都搭横扇个方言是吴江西南片，搭以松陵镇为代表个吴江话差别比较大，搭桐乡、湖州搭界咾，搭渠拉有共同点。桃源街道裏向，原来是菀坪镇个场化，是一隻官话方言岛，包括“河南话”（河南罗山、光山个江淮官话黄孝片）搭仔“苏北话”。