槐坎乡

槐坎乡，老底子写成槐磡，是吳越湖州市長興縣老底子个一隻鄉，2015年经浙江省政府批准撤銷，併入新煤山鎮。

歷史

槐磡地名來自於槐花磡，箇个場許有一棵大槐樹，一棵水花樹，搭石砌个高磡。後末來簡寫成槐坎。同治《長興縣志》裏向寫槐花磡歸至德區西北鄉第十一圖六十六莊。

1943年7月份到1945年9月份，箇個地方是新四軍抗日根據地。1949年4月共產黨政府建政槐坎、新華兩隻鄉，1956年合成新槐鄉，1958年十月建立煤山人民公社，1961年3月調整規模，成立槐坎人民公社。1983年改成槐坎鄉。

2015年5月8號，浙江省政府同意撤銷長興縣煤山鎮、白峴鄉、槐坎鄉建制，合併設立新个煤山鎮，新煤山鎮包括1隻社區，2隻居民區搭24隻行政村。