林良实

敦林良实医生（马来语：Ling Liong Sik，1943年9月18号生），马来西亚个资深政治人物，1986年到2003年做过马华公会个总会长，也做过交通部长，2004年拿到国家最高个“敦”勋衔。

伊做马华总会长个辰光，算是马华个“黄金时代”。伊设立仔交关帮助华人个教育基金，伊领导个马华勒1995年搭1999年个大选里向，成绩也邪气好。不过，伊搭当时个署理总会长林亚礼搞“双林党争”，内斗仔3年，最后两家头侪退下来哉。

伊对教育个贡献弗小，设立华仁教育基金，还帮拉曼大学学院开出5间分校。勒垃拉曼大学成立个辰光也有伊箇一份功劳，故咾金宝校区里向还有隻纪念伊个“敦林良实礼堂”，现在是拉曼大学名誉校长。

2015年，伊因为公开批评当时个总理纳吉·阿都拉萨，讲伊滥用一马公司（1MDB）个公款，结果畀纳吉告伊诽谤。掰桩官司一直拖到2018年，庭外调解失败仔么，驳回林良实要求纳吉撤销指控个申请，必过2018年大选里向纳吉也自身难保，主动撤诉，赔畀林良实2万5千令吉个堂费。