松鹤公园

松鹤公园勒垃中国上海市杨浦区四平路街道抚顺路240号，东到杨树浦港，南到抚顺路。全园面积1.28万平方米。

历史

松鹤公园所在地原先是座私人花园陈四房花园，后来收归国有。1958年，抚顺路以北部分改造成兰州苗圃。1984年，上海市基本建设委员会决定拿伊开辟成一只公园，由上海市园林设计院负责绿化设计，杨浦区园林管理所、中国人民解放军空军上海基地空军部队一道施工。1985年6月19号，公园动工，1986年9月26号竣工，同年10月1号开放。宋日昌题个公园个匾额。原先认为箇只公园个主要游客会得是老年人，故咾以“松鹤延年”取名松鹤公园。

2024年下半年，松鹤公园拿沿咾抚顺路个围墙侪拆脱。