杭州市小营巷小学

杭州市小营巷小学，原来叫杭州市回族穆兴小学，是一隻勒哈杭州市上城区个公辦小學。

历史沿革

光绪三十年（1904年），杭州凤凰寺开办“回文班”，主要学古兰经、伊斯兰教知识搭阿拉伯文。1914年，凤凰寺董事会董事长张紫云拿回文班改建为成正规小学，叫杭州穆興小學，意思是穆斯林兴旺，孙吉士任当校长。

校址头丄勒哈杭州凤凰寺裏向。1933年設立穆興中學，勒哈杭州直大方伯银洞桥原綢業會舘，设初中班3个，學生子250多個，回民漢民都收。1937年，抗日战争爆发，穆兴中学停办，穆兴小学减少到3個班。1945年，抗日战争胜利之後，穆兴小学恢復。1954年，杭州穆兴小学改成公立小学，叫杭州市回族穆兴小学，搬到杭州後市街172號。1967年，改名团结小学，1980年叫回杭州市回族穆兴小学。2013年6月份，穆興小學搭杭州市宗文小营实验学校合併，杭州市回族穆兴小学作爲第一校名。

2024年，改名杭州市小营巷小学，有穆兴校区搭小营校区，分别勒哈丰家兜23-4号搭皮市巷99号。

穆兴小学刚刚成立个辰光，杭州本地或者临时到杭州来个穆斯林小人都好入学读书。后首来，因为城市化个发展，回族学生子分散到各个公办小学，学堂裏向流动人口学生子越来越多，到廿一世纪第二个十年，穆兴小学只有1個少数民族教师（畲族），9個少數民族學生子。