杭州公共脚踏车
杭州公共自行车交通系统，是中国浙江省杭州市隻公益性公共脚踏车项目，杭州市公共交通集团控股金通股份个杭州市公共自行车交通服务发展有限公司运营个，一般车身是红颜色个，60分钟里向免费租用，全市范围里向通租通还。乃朝是世界上顶大个公共自行车系统之一。
历史
[编辑]2008年5月1号[1]，政府投资造个杭州公共自行车勒垃杭州主城区启用，是杭州市公共交通集团控股金通股份个杭州市公共自行车交通服务发展有限公司[2]建设、运营个。2009年12月31号，一期完工，有得服务点2001处、公共自行车5万部，成为世界上规模顶大个城市公共脚踏车系统。[3]到2013年8月底，每日天租借人數約莫23萬人次，最高租用量47.30万人次，累计租用有得8.56亿人次。[1]2016年开始，市区所有停车桩侪进行改造，增加二维码，方便用手机租车子。[4]到2022年12月份，有得5,237隻服务点、12.4万部公共脚踏车。[5]
有报道讲杭州公共自行车系统是中国头一隻真正意义丄个智能公共自行车系统[3]，必过北京勒垃2007年有过差弗多样子个公共自行车，2008年奥运会後停办。[6]。
租还方式
[编辑]通过提早勒垃电子钱包（IC卡）、杭州市民卡等相关卡证里向充个钞票，勒垃服务点个POS机丄刷卡、租车，用仔么好踏车子到相关服务点还车子，假使要拿押金退回去，要到POS机丄再操作，弗退押金么下趟好直接刷卡。
2016年改造仔么，杭州公共自行车个服务点增加二维码，好通过杭州公共自行车APP租车子还车子，也好用支付宝扫停车桩丄个码。[4][7]。杭州公共自行车针对还车高峰还车点停满个问题勒垃2017年还推出隔夜还车个功能，22:00到第二天7:00个辰光，假使讲服务点停满哉，好通过查询机进行“隔夜还车”操作，系统会得自动结算租车费，开启“隔夜模式”，好直接夜里向拿公共脚踏车摆勒其他地方保存，只用1块洋钿。[8]
费用
[编辑]从车子推出锁个辰光开始算辰光，到推进去重新锁定么停止算钞票。
租还车辰光
[编辑]2017年3月10号开始，杭州公共自行车开始全面推行24小时租还车服务，全日天侪好租还车子[10]。勒垃箇调整前，杭州公共自行车租还车辰光是6:00—21:00。
也好看看
[编辑]参考资料
[编辑]- ↑ 1.0 1.1 1.2 十年耕耘再出发 杭州“小红车”迎来智慧骑行加速度. 杭州公交集团有限公司. 原始文档勒2019-06-06存档. 访问日脚2025-10-27.
- ↑ 杭州市公共自行车交通服务发展有限公司. 企查查. 访问日脚2023-04-10.
- ↑ 3.0 3.1 杭州公共自行车系统的诞生，与他的提案有关. 杭州政协 (2021-03-03). 访问日脚2023-04-10.
- ↑ 4.0 4.1 杭州网 (2016-08-19). "杭州公共自行车迈入扫码租车时代 西湖景区100个服务点月底上线". Retrieved 2019-06-27.
- ↑ 集团介绍. 杭州市公共交通集团有限公司. 访问日脚2023-04-10.
- ↑ 饶灵芳.公共自行车与共享单车在我国的发展——基于共享经济视角[J].市场周刊,2019(07):130-132.
- ↑ "杭州公共自行车主城区24小时租还 滨江区也可扫码租车". 杭州网. 2017-03-12. Retrieved 2017-03-18.
- ↑ "隔夜还车错峰还车扫码租车 杭州公共自行车更方便了". Retrieved 2019-06-27.
- ↑ 杭州公共自行车可免押金租用：实名认证，在杭市民、游客均可.
- ↑ "杭州公共自行车２４小时服务点实现主城区全覆盖". 新华网. 2017-03-09. Retrieved 2017-03-18.
