杨高路
杨高路是中国上海市浦东新区一条南北走向个主干路，现在分成成山路、杨高南路、杨高中路、金高路、津航路、杨高北路、杨高北一路，南起上南路，北到江海路，全长28公里。
1956年，上海市高桥区、洋泾区、杨思区合并成立东郊区，修一条贯通全区个道路，第二年3月份完工个。因为路两头分别是杨思镇、高行镇，故咾叫杨高路。伊辰光全长18.9公里，宽度3.5米，是煤屑路面。1971年铺柏油路面，1980年拓宽到6~7米，延伸搭高桥镇[1]。1992年，浦东开发开放，杨高路大规模扩建成双向6快2慢个路，同年12月5号通车个，道路红线宽50米，有立交桥。1994年，经市政府批准，杨高路分别改名成杨高南路、杨高中路、杨高北路，上南路到艾镇一段个杨高支路也改名叫成山路。[2]2008年再扩建成8快2慢个路。2016年开始，杨高路进行快速路改造工程，2023年12月23号全线通车[3]。
杨高路拿三林镇、世博园、陆家嘴金融贸易区、金桥出口加工区、外高桥保税区串勒一淘，是浦东新区重要个交通主干道，交通流量邪气大。
参见
[编辑]参考
[编辑]- ↑ 集各界智慧 修建杨高路[链接坏脱]
- ↑ 存档副本.
- ↑ 全程正常通行时间约30分钟！杨高路改建工程主线竣工通车_上观新闻 (zh). 上观新闻-站上海，观天下 (2023-12-26).