杨浦站

杨浦站是中华人民共和国上海市楊浦區一座貨運車站，勒垃周家嘴路4041号，是何杨线个終點站。车站是上海铁路局南翔直属站个二等站，办理集装箱、专用线整车货运业务，提供铁水联运。

历史

车站1958年造个，1960年3月份试运营，同年7月份正式营业。一开始叫杨树浦站，1963年10月份改名杨浦站。

1993年11月份，杨浦站开办集装箱运输业务。1998年7月22号，杨浦站同上海港集装箱发展公司联合组建铁路集装箱港站杨浦港站，推进铁水联运。1999年车站升级城一等站。2013年6月份，原上海海关驻杨浦站办事处升级城上海车站海关，承担车站国际联运货运监管职责。

杨浦站曾经是上海铁路局个直属站，1999年帮原何家湾站合并以后管理本站、何家湾站、江湾站搭仔殷行站。2005年6月份，杨浦直属站合并到北郊站里向，2010年，北郊直属站并到南翔直属站里向。

车站结构

杨浦站有得5条到发线。车站货场勒垃周家嘴路4041号，中铁集装箱运营个。货场面积26.18万平方米，设有12条作业线搭仔1条煤水线，货位457隻，还有上海车站海关搭仔去上海电缆厂个专用线。