长白新村街道228街坊

长白新村街道228街坊，也叫杨浦区长白社区228街坊，简称228街坊、长白228街坊、长白社区228街坊，勒垃中華人民共和國上海市楊浦區长白新村街道长白社区，北面是延吉东路、南面是长白路、西面是敦化路、东面到安图路，用地面积约莫2.2万平方米，总建筑面积4.3万平方米。伊老底子是1950年代头一批完成个两万户工人新村，也是上海乃朝唯一成套个两万户老公房，1953年造个。

2002年，228街坊里向个12栋房子划进两万户旧区改造范围，有论百户搬脱，必过後首来动迁中断哉。2011年，228街坊出现危房，进行危房改造，又有几十户搬出去。2016年6月份，长白228街坊旧改征收终于侪结束哉，挺下来个200多户居民侪迁出去哉。杨浦区对228街坊进行分区块保留重建，保留2栋建筑个外立面、建筑结构、客堂邻里模式，其他10栋老房子拆脱重新造商业、创业办公、文化展示厅、咖啡店、停车场咾啥个。2019年12月份開工，2023年4月26号造好开业。

房子

长白新村街道228街坊个老公房是按照苏联集体农庄个房子设计垃个，上下两层楼个砖木结构。长白两万户房屋上下两层楼各有5间房，拢总住10户人家，每5户合用一隻灶披间、厕所间。整隻228街坊有16栋楼。