杨家桥

杨家桥是乃朝中華人民共和國上海市普陀區桃浦鎮隻地名，桃浦流经箇地方。杨家桥箇地名从横跨桃浦个木桥“永昌桥”来个，因为部桥後来叫杨家桥，桥名也变成功地名。一开始么，杨家桥呒啥人，後首来沪宁铁路搭仔交通路开通，经过箇地方，外加有得火车站真如车站（乃朝个上海西站），故咾慢慢教闹猛起来哉。20世纪20年代，暨南大学搬到杨家桥附近（乃朝暨南大学真如旧址），中国国际电讯局也勒垃1930年11月份个辰光勒杨家桥设立真如发报台（国际电台）。淞沪会战个辰光，日军轰炸国际电台搭仔暨南大学，炸唻杨家桥荒废脱。